HY RU EN

Արաքս Մամուլյան

Երկու կողմերից փակվեց Կորյուն-Աբովյան փողոցների խաչմերուկը

Կորյուն-Աբովյան փողոցների խաչմերուկում մի խումբ քաղաքացիներ փակել են փողոցը: Այս պահին խաչմերուկը երկու կողմերից փակ է, իսկ Աբովյան փողոցով երթևեկությունը բաց է միակողմանի։ Ոստիկանները փորձում են վերականգնել երթևեկությունը։

Հիշեցնենք, որ այսօր Սերժ Սարգսյանի վարչապետության դեմ ընթացող զանգվածային բողոքի ցույցերի 10-րդ օրն է: Առավոտյան կարճատև հանդիպում տեղի ունեցավ Սարգսյանի և ցույցերը ղեկավարող պատգամավոր Նիկոլ Փաշինյանի միջև, սակայն բանակցությունները ձախողվեցին: Սերժ Սարգսյանը Փաշինյանին հորդորեց չխոսել ժողովրդի անունից եւ վերադառնալ օրինականության դաշտ՝ հիշեցնելով 2008թ-ի մարտի 1-ը: Փաշինյանը կրկնեց, որ եկել է՝ քննարկելու Սերժ Սարգսյանի հրաժարականի և իշխանության խաղաղ, անցնցում փոխանցման պայմանները: Հանդիպումից մոտ մեկ ժամ անց Նիկոլ Փաշինյանը ձերբակալվեց: