ՀՀԿ-ում դեռ որոշում չկա, թե ինչպես քվեարկել վարչապետի թեկնածու Նիկոլ Փաշինյանի օգտին: Այս մասին ՀՀԿ խմբակցության և Նիկոլ Փաշինյանի հանդիպումից հետո ասաց ՀՀԿ մամուլի խոսնակ Էդուարդ Շարմազանովը:

 Նիկոլ Փաշինյանի հետ հանդիպումից հետո ՀՀԿ խմբակցության անդամները մի քանի րոպե փակ նիստ անցկացրեցին: Շարմազանովն ասաց, որ անձամբ իրեն վարչապետի թեկնածու Նիկոլ Փաշինյանը չհամոզեց, սակայն կքվեարկի այնպես, ինչպես որոշի կուսակցությունը: Շարմազանովի խոսքով՝ մինչ վաղը դեռ քննարկման հնարավորություն ունեն, կքննարկեն, և վաղը մինչ քվեարկությունը կհայտնեն, թե ինչպես են քվեարկելու: