Տեսանյութեր
Լուսանկարներ
2rd.am. «Եթե Ռ. Քոչարյանը մասնակից լիներ Հայաստանի քաղաքական կյանքին, ապա Հայաստանը երբեք ճգնաժամի մեջ չէր հայտնվի»
Հայաստանի երկրորդ նախագահ Ռոբերտ Քոչարյանի 2rd.am կայքը իր ֆեյսբուքյան էջում արձագանքել է Հայաստանում տեղի ունեցող քաղաքական գործընթացներին Ռոբերտ Քոչարյանի մասնակցության մասին տեղեկություններին:
«Երեկ և այսօր մամուլում և համացանցում տարատեսակ տեղեկություններ տարածվեցին, որ կապված էին Ռոբերտ Քոչարյանի առնչությանը քաղաքական գործընթացներին: Լուրերի հայտնվելուն պես մենք անմիջապես կապ էինք հաստատում երկրորդ նախագահի գրասենյակի ղեկավարի հետ և ճշտում դրանց իսկությունը: Վիկտոր Սողոմոնյանը, ինչպես արդեն տեղեկացրել ենք, հերքեց թե Քոչարյանի' իբր Մոսկվա մեկնելու լուրը, թե նրա ներգրավվածության մասին ասեկոսեները, ասելով, որ նախագահ Քոչարյանը ուշադիր հետևում է գործընթացներին, բայց չի մասնակցում դրանց: Մեր խմբագրության կողմից ուզում ենք ավելացնել. վստահ ենք, որ եթե Ռ. Քոչարյանը մասնակից լիներ Հայաստանի քաղաքական կյանքին, ապա Հայաստանը երբեք ճգնաժամի մեջ չէր հայտնվի»,- ասված է հրապարակված մեկնաբանության մեջ:
Մեկնաբանել