Պետական եկամուտների կոմիտեն հայտնում է, որ 2018թ. հունվար-մարտ ամիսներին 2017 թվականի նույն ժամանակահատվածի համեմատ առկա է շուրջ 5.6 մլրդ դրամ կամ 7% եկամտային հարկի հաշվարկային աճ: Ցուցանիշը հիմնականում պայմանավորված է առևտրային հարկ վճարողների մոտ գրանցված շուրջ 6.1 մլրդ դրամ կամ 12.6% աճով: 2018 թվականին 2017-ի դիտարկվող ամիսների համեմատ ամսական միջին աշխատավարձն աճել է 7060 դրամով կամ 4.3%-ով, իսկ վարձու աշխատողների թիվն աճել է 18,029–ով կամ 3,7%-ով: