Այսօր առավոտից Վանաձորի գլխավոր Հայքի հրապարակում հավաքված լոռեցիները հրապարակի մեծ էկրանի միջոցով հետևում են ԱԺ նիստի ուղիղ եթերին։

«Քաղաքացիական պայմանագիր» կուսակցության ներկայացուցիչները մեծ էկրանից ուղիղ եթերին հետևելու հնարավորությունն ապահովելու համար նախօրոք էին դիմել Վանաձորի քաղաքապետարան։ Չնայած ամպամած եղանակին, հրապարակում հավաքվածների թիվը գնալով ավելանում է։ Նիկոլ Փաշինյանին աջակցելու համար հավաքվածների գերակշիռ մասը սպիտակ վերնաշապիկներով է։