ԱՄՆ Գլենդել քաղաքում տեղի ունեցած համերգի ժամանակ հանդիսատեսների մի մասը բոյկոտել է հայտնի երգիչ Հարութ Փամբուկչյանի (Ձախ Հարութ) ելույթը՝ թիկունքով շրջվելով դեպի նա: Այս իրադարձությունը պատկերող տեսանյութ է հրապարակել Instagram սոցցանցի us_armenians էջը:

Տեսանյութի նկարագրության մեջ նշված են Գլենդել քաղաքի և Նիկոլ Փաշինյանի անունները, իսկ տեսանյութում երևում են Հարութ Փամբուկչյանին թիկունքով կանգնած մարդիկ, որոնք կրում են Նիկոլ Փաշինյանի դիմանկարով շապիկներ: Տեսանյութի մեկնաբանություններում, որպես բոյկոտի դրդապատճառ, հիշատակվում է 2017թ-ին՝ ՀՀԿ նախընտրական քարոզարշավի ամփոփիչ միջոցառման ելույթի ընթացքում, երգչի խոնարհումը Սերժ Սարգսյանի և ՀՀԿ վերնախավի առաջ: