«Ինչպես հոկտեմբերի 27-ի չբացահայտումը, այնպես եւ մարտի 1-ի չբացահայտումը հնարավորություն չեն տալիս մեզ դուրս գալ այս թունավորված քաղաքական մթնոլորտից, իշխանությանը իրավունք չեն տալիս խոսել ազատ եւ արդար ընտրություններ անցկացնելու մասին, իսկ ընդդիմությանը զրկում են այդպիսի ընտրություններին մասնակցելու հնարավորությունից: Ուստի մարտի 1-ի բացահայտումը պետք է տեղի ունենա մինչեւ ընտրությունները: Եթե իշխանություններն այդ չանեն, ապա դա կարվի ընդդիմադիր ուժերի եւ հասարակական համատեղ ջանքերով»,- «Առավոտին» տված հարցազրույցում ասել է նախկին փաստահավաք խմբում ՀԱԿ ներկայացուցիչ Անդրանիկ Քոչարյանը: