Պաշտպանության նախարար Դավիթ Տոնոյանը արտգործնախարար Զոհրապ Մնացականյանի հետ միասին այցելել է Հայաստանի հարավ-արևմտյան սահմանագիծ՝ նախիջևանյան ուղղություն։ Այս մասին հայտնում է պաշտպանության նախարարության մամուլի քարտուղար Արծրուն Հովհաննիսյանը` իր ֆեյսբուքյան էջի միջոցով:

Տեղում ծանոթանալով օպերատիվ իրավիճակին` երկու նախարարները զորամիավորման հրամանատարաության հետ քննարկել են սահմանային ուղղության ծառայության առանձնահատկությունները։ Նախարար Դավիթ Տոնոյանը հրամանատարությանը հանձնարարեց լինել մշտապես զգոն, չտրվել որևէ սադրանքի, սակայն խստագույնս կանխել հակառակորդի ցանկացած առաջխաղացում։