Հինգ մարզպետի անուն հայտնի է
Վեց մարզպետ հունիսի 1-ին կառավարության նիստում, դիմումի համաձայն կազատվի պաշտոնից։ Այս մասին տեղեկանում ենք կառավարության հունիսի 1-ի նիստի օրակարգից։ Ըստ որոշումների՝ Արարատի մարզպետ Արամայիս Գրիգորյանին կփոխարինի «Քաղաքացիական պայմանագիր» կուսակցության վարչության անդամ, Նոր Կյանք համայնքի ղեկավար Գարիկ Սարգսյանը։
Կոտայքի մարզպետ Կարապետ Գուլոյանին կփոխարինի ՔՊ առաջին և երկրորդ վարչությունների անդամ, ՔՊ Աբովյանի տարածքային կազմակերպության խորհրդի անդամ Ռոմանոս Պետրոսյանը։
Տավուշի մարզպետ Հովիկ Աբովյանին կփոխարինի Իջևանի ավագանու անդամ Վահե Ղալումյանը։
Վայոց Ձորի մարզպետ Հարություն Սարգսյանը ևս կազատվի իր պաշտոնից, բայց նոր մարզպետի անունը դեռևս հայտնի չէ։ Լոռու նոր մարզպետի անունը ևս չկա, սակայն Արթուր Նալբանդյանի՝ սեփական դիմումի համաձայն պաշտոնից ազատման որոշումն արդեն հրապարակվել է։
Գեղարքունիքի մարզպետ Կարեն Բոթոյանին կփոխարինի 2017-ի խորհրդարանական ընտրություններում ՀՅԴ-ի կողմից առաջադրված պատգամավորի թեկնածու Իշխան Սաղաթելյանը։
Շիրակի մարզպետ կնշանակվի Կարեն Սարուխանյանը։
Լուսանկարում՝ վերևից Գարիկ Սարգսյանն ու Ռոմանոս Պետրոսյանը, ներքևից՝ Վահե Ղալումյանն ու Իշխան Սաղաթելյանը
Մեկնաբանություններ (1)
Մեկնաբանել