Տեսանյութեր
Լուսանկարներ
ԱԳ նախարարը հանդիպել է ԱԺ արտաքին հարաբերությունների հանձնաժողովի անդամներին
Հունիսի 1-ին արտգործնախարար Զոհրաբ Մնացականյանը՝ ԱԺ արտաքին հարաբերությունների հանձնաժողովի նախագահ Արմեն Աշոտյանի նախաձեռնությամբ, հանդիպում ունեցավ արտաքին հարաբերությունների հանձնաժողովի անդամների հետ։ Ինչպես տեղեկացնում է ԱԳՆ լրատվական ծառայությունը, Արմեն Աշոտյանի հրավերով հանդիպմանը ներկա էին նաև ՀՀ վարչապետի խորհրդական Արսեն Խառատյանը և նախագահի խորհրդական Թևան Պողոսյանը։
Նախարար Մնացականյանը պատգամավորներին ներկայացրել է Հայաստանի արտաքին քաղաքական առաջնահերթությունները և հիմնական ուղղությունները՝ շեշտելով դրանց շարունակական բնույթը։
Անդրադառնալով ղարաբաղյան հիմնախնդրի խաղաղ կարգավորման գործընթացին` նախարար Մնացականյանը նշել է, որ Արցախի կարգավիճակը և անվտանգության ապահովումը բանակցային գործընթացում Հայաստանի առաջնահերթ գերակայություններն են։
Հանդիպմանը նախարար Մնացականյանը պատասխանել է արտաքին քաղաքականության տարբեր ուղղություններին, ԱԳՆ գործունեությանը վերաբերող բազմաթիվ հարցերի։
Խոսելով արտաքին քաղաքական օրակարգին առնչվող հարցերի վերաբերյալ՝ հանձնաժողովի նախագահ Արմեն Աշոտյանը նշել է, որ Հայաստանի արտաքին քաղաքականությունը պետք է բխի բացառապես երկրի ազգային շահերից:
Հանդիպման ընթացքում ընդգծվել է արտաքին քաղաքականության ոլորտում միասնաբար գործելու կարեւորությունը՝ դիվանագիտության գործիքակազմում խորհրդարանական բաղադրիչի լիակատար ներառականությամբ:
Մեկնաբանել