Եկող շաբաթ Վիրահայոց թեմը իրավաբանական անձի կարգավիճակ ստանալու դիմում կներկայացնի: Այս մասին «Հետքին» տեղեկացրին Վիրահայոց թեմի առաջնորդարանից: Առաջին հերթին կգրանցվի Վիրահայոց թեմը և կդառնա հանրային իրավունքի իրավաբանական անձ, այնուհետև առաջնորդարանը դիմելու է գործող կամ չգրոծող հայկական եկեղեցիները գրանցելու պահանջով, ինչպես արվել է մյուս կրոնական համայնքների դեպքում:  

Առայժմ պատրաստ չէ Վրաստանի տարածքում հայկական բոլոր եկեղեցիների վերջնական ցուցակը, դրա վրա դեռ աշխատում են: Մեր հարցին, թե թեմի կարգավիճակի հետ մեկտեղ Վիրահայոց թեմը կկարողանա՞ վերադարձնել նաև վրացական կողմի համար «վիճահարույց» համարվող հայկական 6 եկեղեցիները, առաջնորդարանից պատասխանեցին, որ Հայ առաքելական պատմական եկեղեցիների վերադարձի հույս նույնպես ունեն:

Ջավախքի ընդհանուր փոխանորդությունը ևս Վիրահայոց թեմի մեջ է մտնելու: