Վարչապետ Նիկոլ Փաշինյանի որոշմամբ այսօր մի շարք նշանակումներ են եղել։

Գյուղատնտեսության նախարարի տեղակալներ են նշանակվել Գառնիկ Պետրոսյանը և Արմեն Հարությունյանը։ 

Առնակ Ավետիսյանը նշանակվել է Կոտայքի մարզպետի տեղակալ։

Սամվել Հարությունյանը նշանակվել է կրթության և գիտության նախարարության գիտության պետական կոմիտեի նախագահ։

Գարեգին Բաղրամյանը նշանակվել է էներգետիկ ենթակառուցվածքների և բնական պաշարների նախարարի տեղակալ։

Սմբատ Գոգյանը նշանակվել է կրթության և գիտության նախարարության բարձրագույն որակավորման կոմիտեի նախագահ։

Արտյոմ Մխոյանը նշանակվել է արդարադատության նախարարության քրեակատարողական ծառայության պետ։

Հակոբ Հակոբյանը նշանակվել է արդարադատության նախարարության գլխավոր հարկադիր կատարող։

Արսեն Մանուկյանը նշանակվել է աշխատանքի և սոցիալական հարցերի նախարարի առաջին տեղակալ։

Զարուհի Բաթոյանը նշանակվել է աշխատանքի և սոցիալական հարցերի նախարարի տեղակալ։

Արման Ուդումյանը նշանակվել է աշխատանքի և սոցիալական հարցերի նախարարի տեղակալ։

Դավիթ Գյուրջինյանը նշանակվել է կրթության և գիտության նախարարության լեզվի կոմիտեի նախագահ։

Ավելի վաղ տեղեկացրել էինք, որ Նարեկ Բաբայանը նշանակվել է պետգույքի կառավարման վարչության պետ։

Արտակ Մանուկյանը նշանակվել է  վարչապետի խորհրդական։

Նշենք նաև, որ այսօրվա մի շարք որոշումներով որոշ պաշտոնյաներ էլ ազատվել են պաշտոնից։ 

Ռուբեն Ափոյանը ազատվել է ազգային անվտանգության ծառայության օպերատիվ-տեխնիկական գլխավոր վարչության պետի պաշտոնից։ Հայկ Հարությունյանը ազատվել է էներգետիկ ենթակառուցվածքների և բնական պաշարների նախարարի տեղակալի պաշտոնակատարի պաշտոնից՝ իր դիմումի համաձայն։ Արայիկ Պետրոսյանը ազատվել է աշխատանքի և սոցիալական հարցերի նախարարի առաջին տեղակալի պաշտոնակատարի պաշտոնից։ Թադևոս Ավետիսյանը ազատվել է աշխատանքի և սոցիալական հարցերի նախարարի տեղակալի պաշտոնակատարի պաշտոնից։