Հունիսի 12-ին պաշտպանության նախարարության վարչական համալիրում անցկացվել է խորհրդակցություն՝ նվիրված 2018թ. ամառային զորակոչի նախապատրաստական ընթացիկ աշխատանքների քննարկմանը:

Նախարարության լրատվության բաժինը հայտնում է, որ հիմնական զեկույցով հանդես է եկել զինվորական կոմիսար, գեներալ-մայոր Հենրիկ Մուրադյանը, ով ներկայացրել է զորակոչային աշխատանքների արդյունքները, առկա խնդիրները և դրանց լուծման ուղղությամբ ձեռնարկվող քայլերը: Զինվորական կոմիսարը, մասնավորապես, անդրադարձ է կատարել զինկոմիսարիատների և բուժհանձնաժողովների աշխատանքներին, նախազորակոչային տարիքի երիտասարդների կցագրմանը և հաշվառմանն առնչվող, բժշկական փորձաքննությունների և հետազոտությունների ոլորտում առկա խնդրահարույց հարցերի: Ներկայացվել են նաև «Ես եմ» և «Պատիվ ունեմ» ծրագրերի շրջանակում կատարվող աշխատանքների արդյունքներն ու այդ տարբերակներով զինվորական ծառայության անցնելու հայտ ներկայացրած դիմորդների վիճակագրական տվյալները:

Խորհրդակցության ավարտին պաշտպանության նախարար Դավիթ Տոնոյանը առաջադրել է որոշակի խնդիրներ և տվել հանձնարարականներ առաջիկա զորակոչը հավուր պատճաշի կազմակերպելու և անցկացնելու ուղղությամբ: