Նշեմ, որ հանձնարարականի համաձայն Աշխատանքային խումբն առաջինն ուսումնասիրելու է Ամուլսարի նախագիծը: Երկու օրից ես գնալու եմ Ջերմուկ և Գնդեվազ՝ համայնքների բնակիչների հետ հանրային քննարկում անցկացնելու և ազդակիր համայնքների ներկայացուցիչներին Ամուլսարի հարցով Աշխատանքային խմբի կազմում ներգրավելու համար:

Այս համատեքստում խնդրում եմ ֆիքսենք մի բացարձակ սկզբունք. գործողությունները պետք է կազմակերպվեն այնպես, որ պետությունը հարվածի տակ չընկնի: Ամենաբարձր մակարդակով մեզ տրվել է իրավասություն՝ գտնելու բոլոր հնարավոր կոռուպցիոն սխեմաները, անօրինականություններն ու շեղումները, որոնք ՕՐԻՆԱԿԱՆ հիմք կհանդիսանան ցանկացած հանքարդյունաբերական նախագիծ դադարեցնելու, պատասխանատուներին բռի մեջ հավաքելու համար: Պետությունը պետք է բոլորին թելադրի և ոչ թե հակառակը: Բայց դրա համար ցանկացած գործողություն պետք է լինի հիմնավորված, հետևությունները պետք է հիմնված լինեն փաստերի վրա, որը մենք կարող ենք ու պետ է հավաքենք: Հանրությունը երբեք որոշումների ընդունման այսպիսի լայն հնարավորություններ չի ունեցել, ինչպես հիմա: Այնպես որ, ամեն ինչ մեր ձեռքերում է:

Երկու օրից կգամ Ջերմուկ, հետո կգնանք Սյունիք, Լոռի և այդպես շարունակ: հանքարդյունաբերության ոլորտի լիակատար վերահսկողությունը տվել են մեր ձեռքը, սկսում ենք ամենալայնամասշտաբ հանրային քննարկումների ալիքը, որը երբևէ Հայաստանում եղել է»։