HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Դատավորն իր մշտական բնակության վայրից դուրս պաշտոնավարելու դեպքում փոխհատուցում կստանա

Կառավարությունն այսօրվա նիստին որոշեց, որ 2019 թվականի հունվարի 1-ից իր մշտական բնակության վայրից դուրս պաշտոնի նշանակված դատավորն այլ վայրում պաշտոնավարելու դեպքում` կստանա փոխհատուցում: Դատավորին բնակարանի վարձի փոխհատուցումը տրամադրվելու է դատավորի պաշտոնավարման ժամանակահատվածի համար ամսական մինչև 100,000 դրամի չափով՝ Երևանի դեպքում, իսկ այլ վայրերի դեպքում՝ 70,000 դրամի չափով: 

Կառավարություն նման որոշման նախագիծ ներկայացրել էր արդարադատության նախարար Արտակ Զեյնալյանը: 

Դատավորը փոխհատուցում պետք է ստանա՝ Բարձրագույն դատական խորհրդին ուղղված դիմումի հիման վրա՝ կցելով անշարժ գույքի վարձակալության պայմանագիր, վարձակալության իրավունքի պետական գրանցման վկայականի պատճենները և տվյալ վայրում դատավորին սեփականության իրավունքով պատկանող բնակելի անշարժ գույքի բացակայության վերաբերյալ կադաստրի կոմիտեի տրամադրված տեղեկատվությունը: 

Որոշման համաձայն՝ դատավորին բնակարանի վարձի ամսական փոխհատուցման տրամադրումը դադարեցվում է՝ դատավորի կողմից դիմում ներկայացվելու դեպքում, նրա լիազորությունների դադարման կամ դադարեցման դեպքում, փոխհատուցման հիմքերի վերացման դեպքում:      

Հիշեցնենք, որ հունիսի 15-ին կառավարությունը որոշեց, որ կառավարության անդամները ևս իրենց մշտական բնակության վայրից դուրս պաշտոնի նշանակվելու դեպքում` այդ վայրում բնակարանի վարձավճարին համարժեք ամսական 100,000 փոխհատուցում կստանան:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter