Պաշտպանության նախարարության մամուլի քարտուղար Արծրուն Հովհաննիսյանը իր ֆեյսբուքյան էջի միջոցով տեղեկացրել է, որ նախարար Դավիթ Տոնոյանն այսօր ՀՀ ԶՈւ-երի հրամանատարությանը հանձնարարել է հստակ հսկողություն սահմանել զորքերից զինծառայողների արձակուրդային և զորացրման ժամանակ հատկացվելիք ճանապարհածախսերի օգտագործման նկատմամբ, թույլ չտալ որևէ չարաշահում։

ՊՆ-ը հորդորում է տրանսպորտային ընկերություններին և առանձին միջոցների վարորդներին, որոնք զորամասերից զինծառայողներին տեղափոխում են իրենց բնակավայրեր, չօգտվել իրավիճակից, չպահանջել նորմերից բարձր վճար, ավելին` զինծառայողների համար սահմանված վարձավճարի չափը նվազեցնել։