HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Կուրսանտի սպանության մեջ մեղադրվող Մովսես Ազարյանի պաշտպանը, հնարավոր է, այլևս չիրականացնի նրա պաշտպանությունը

Կուրսանտի սպանության գործով ամբաստանյալ Մովսես Ազարյանի պաշտպան Անահիտ Հովհաննիսյանը վատառողջ է, հնարավոր է, այլևս չիրականացնի վերջինիս պաշտպանությունը: Երևան քաղաքի ընդհանուր իրավասության դատարանն այսօր հետաձգեց սպանության գործով դատական նիստը: Մովսես Ազարյանի պաշտպանությունը կստանձնի մեկ այլ պաշտպան, թե գործում արդեն իսկ ներգրավված պաշտպաններից որևէ մեկը` հստակ չէ: 

Հիշեցնենք, որ Հայկազ Բարսեղյանը սպանվել է 2015-ի հունվարի 29-ին: Այդ օրն առավոտյան նրա մարմինը  հայտնաբերվել է Վազգեն Սարգսյանի անվան ռազմական ինստիտուտի բակում՝ պտտաձողից կախված: Սպանության համար քննություն իրականացնող մարմինը մեղադրանք է առաջադրել Բարսեղյանի ծառայակից 4 կուրսանտի՝ Վաչե Սահակյանին, Մովսես Ազարյանին, Նորիկ Սահակյանին և Գնել Թևոսյանին: Ըստ մեղադրանքի` ամբաստանյալները Հայկազին սպանել են, ապա ինքնասպանության տպավորություն ստեղծելու համար նրան տարել ու կախել են ինստիտուտի սպորտհրապարակից: 

Արդեն մի քանի դատական նիստ է` դատարանը, նախագահությամբ դատավոր Դավիթ Հարությունյանի, հարցաքննում է սպանության գործով ամբաստանյալներին: Ամբաստանյալներից երեքի՝ Գնել Թևոսյանի, Վաչե Սահակյանի, Նորիկ Սահակյանի հարցաքննությունն արդեն ավարտվել է, և դատարանն այսօր պետք է հարցաքններ Մովսես Ազարյանին: 

Նշենք, որ Ազարյանի պաշտպան Անահիտ Հովհաննիսյանն արդեն  տևական ժամանակ առողջական խնդիրներ ունի, այդ պատճառով որոշ ժամանակ նիստեր չէին կայանում, սակայն վերջերս պաշտպանը դարձյալ ներկայանում էր դատարան: Դատավոր Դավիթ Հարությունյանը նշեց, պետք է քայլեր ձեռնարկել, որպեսզի նիստերը փաստաբանի առողջական խնդիրներով պայմանավորված` այլևս չհետաձգվեն: Հաջորդ դատական նիստը նշանակվեց հուլիսի 9-ին:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter