Տեսանյութեր
Լուսանկարներ
Գիշերային զվարճանքի վայրերում այցերի նպատակը դրանց աշխատանքի օրինականությունը պարզելն է
Հունիսի 30-ին տեղեկացրել էինք, որ ոստիկանությունը այցեր է կատարել երեւանյան փաբեր: Այդ առնչությամբ այսօր ոստիկանությունը հաղորդագրություն է տարածել` նշելով, որ գիշերային ժամերին գործող զվարճանքի վայրերում իրականացվող այցերի նպատակը ոչ թե այդ հաստատություններում զվարճացողներին անհանգստություն պատճառելն է, այլ ժամանցի վայրերի աշխատանքի օրինականությունը պարզելն ու պատասխանատուներին հորդորելը, որ գործունեությունը իրականացնեն՝ չխախտելով համակեցության կանոնները։
«Միջոցառումների ընթացքում, եթե հաճախորդների ժամանցը խանգարվել է, ապա ոստիկանությունը հայցում է նրանց ներողամտությունը, իսկ զվարճանքի վայրերի պատասխանատուներին էլ հորդորում ենք գործունեությունը տեղափոխել օրինական դաշտ»,- նշված է հաղորդագրության մեջ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել