Հուլիսի 11-ին` ժամը 11:00-ին, կգումարվի Ազգային ժողովի արտահերթ նստաշրջան։ Նման որոշում ընդունվեց Կառավարության այսօրվա նիստում։ Այն ներկայացրեց առաջին փոխվարչապետ Արարատ Միրզոյանը:

Օրակարգում ընդգրկված հարցերն են՝ «Մի շարք վարչական իրավախախտումների համար կիրառված տուգանքների համաներման մասին» (երկրորդ ընթերցում), «Քաղաքացիական դատավարության օրենսգրքում լրացումներ և փոփոխություններ կատարելու մասին» (երկրորդ ընթերցում), «Ազդարարման համակարգի մասին» օրենքում փոփոխություններ կատարելու մասին» (երկրորդ ընթերցում), «Զինվորական ծառայության և զինծառայողի կարգավիճակի մասին» (երկրորդ ընթերցում), «Հայաստանի Հանրապետության կառավարության և Եվրոպական հանձնաժողովի միջև՝ մշակութային և ստեղծագործ ոլորտների համար Միության «Ստեղծագործ Եվրոպա» ծրագրին Հայաստանի Հանրապետության մասնակցության վերաբերյալ» փոխըմբռնման հուշագիրը վավերացնելու մասին» նախագծերն ու որոշումները։