HY RU EN

Սեդա Ղուկասյան

ՊԲ հրամանատարը վստահեցնում է՝ Մանվել Գրիգորյանի առանձնատանը հայտնաբերված «ՈՒԱԶ»-ները ՊԲ հաշվեկռում գրանցված չեն եղել

Արցախի Հանրապետության Պաշտպանության նախարար, ՊԲ հրամանատար Լևոն Մնացականյանը վստահեցնում է՝ ԵԿՄ նախագահ Մանվել Գրիգորյանի առանձնատան ավտոտնակից հայտնաբերված «ՈՒԱԶ» զինվորական մեքենաները ՊԲ հաշվեկշռում գրանցված չեն եղել:

Այս մասին լրագրողների հետ հանդիպմանն ասաց նախարարը:

«Չգիտեմ, թե որտեղից է ձեզ նման վստահությունը, որ պաշտպանության բանակի համար հատկացված մեքենաները հայտվել են Մանվել Գրիգորյանի մոտ, նման բան չկա: Համացանցում մի տեսանյութ է հայտնվել, որ Աստրախանի հայ համայնքի անդամները խոսում են մեքենաների մասին, որոնց մասին հիմա խոսում եք, ասում են, որ նվիրատվություն են արել ԵԿՄ-ին, որպեսզի աշխատանքները կազմակերպեն: Նման բան չկա, ՊԲ նվիրաբերած բոլոր մեքենաները գտնվում են ՊԲ հաշվեկշռում, ես դա ամենայն պատասխանատվությամբ եմ ասում»,- ասաց Մնացականյանը:

Լրագրողի դիտարկմանը, որ ըստ ԱԱԾ-ի հաղորդագրության է այդ մեքենաները համարվել ՊԲ հաշվեկշում գրանցված, նախարարը կոչ արեց սպասել դատավարության ավարտին:

«Դատը կավարտվի, դատարանը վճիռը կկայացնի, այդ ժամանակ ձեզ մոտ այդ հարցերը չեն առաջանա»: