«Առավոտը» այսօր զրուցել է ՀՀԿ փոխնախագահ, ԱԺ Հանրապետական խմբակցության ղեկավար Գալուստ Սահակյանի հետ: Զրույցում թերթին նա ասել է, որ «Հանրապետականի ամենակարեւոր սկզբունքներից մեկն է' առանձին գնալ ընտրությունների, իսկ կոալիցիոն դաշինքները կազմավորվում են ընտրությունների շեմին, եթե լինում է քաղաքական անհրաժեշտություն. Օրինակ' այդպես ստեղծվեց «Միասնություն» դաշինքը: Նման դեպքերում, եթե կոալիցիաները սկզբում են ստեղծվում, վտանգված են, նույնը եղավ «Հանրապետություն» բլոկի հետ, նույնը եղավ «Միասնության» հետ: Սա քաղաքագիտական ամենալավ եղանակը չէ, եւ դա է պատճառը, որ մենք գտնում ենք, որ յուրաքանչյուր կուսակցություն պետք է կարողանա ինքնուրույն իրականացվել հասարակության մեջ»: