HY RU EN

Հաղարծինում ճանապարհ են փակել, իրավիճակը լարված է

Տավուշի մարզի Հաղարծին և շրջակա համայնքի բնակիչները փակել են Վրաստանից-Հայաստան եկող M 4 միջպետական ճանապարհը Հաղարծին համայնքում: Ինչպես «Հետք»-ին ներկայացրին ճանապարհ փակող գյուղացիները, նրանք պահանջում են, որ կառավարությունը թույլ տա` գյուղացիները մտնեն անտառ և հատումներ իրականացնեն: Իրավիճակը քիչ առաջ սրվեց, երբ Թբիլիսիից եկող վարորդներից մեկը խնդրեց բացել ճանապարհը, գյուղացիների և վարորդների միջև բախումներ եղան:

Ավտոմեքենաների մեջ կան երեխաներ, օդանավակայան գնացող ուղևորներ, սակայն գյուղացիները վճռականորեն պնդում են, որ չեն բացելու ճանապարհը մինչև հարցը չլուծվի: Իսկ շտապող վարորդներին հորդորում են շրջանցել և գնալ «Կրասնիի» ճանապարհով: