HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Պատգամավորների 1/3-ը անձնական երաշխավորություն է հայտնել՝ Ռոբերտ Քոչարյանի խափանման միջոցը փոխելու համար

Խորհրդարանի 1/3-րդը ստորագրել է ձևաթղթի տակ որպես անձնական երաշխավորություն, որպեսզի փոխվի երկրորդ նախագահ Ռոբերտ Քոչարյանի խափանման միջոցը:

Այս մասին «Հետք»-ի հետ զրույցում ասաց երկրորդ նախագահի գրասենյակի ղեկավար Վիկտոր Սողոմոնյանը:

Ստորագրահավաքը նախաձեռնել է ՀՀԿ խմբակցությունը. ՀՀԿ փոխնախագահ Արմեն Աշոտյանը չցանկացավ մանրամասներ հաղորդել գործընթացի վերաբերյալ:

Մեր հարցին, թե արդյոք կան պատգամավորներ այլ խմբակցություններից, Վիկտոր Սողոմոնյանը պատասխանեց. «Չեմ ուզում շատ մանրամասներ հաղորդել, բայց եթե 100 պատգամավոր են, ու բաժանենք երեքի…»:

Հետաքրքրվեցինք՝ հրապարակելո՞ւ են ստորագրահավաքին միացած պատգամավորների անունները, Սողոմոնյանը պատասխանեց. «Դա այն գործընթացը չէ, որ թաքուն մնա, իրենք դա անում են բացեիբաց և հասկանում են, որ այդ կերպ պայքարում են ապօրինության դեմ»:

Հիշեցնենք, որ Ռոբերտ Քոչարյանը կալանավորվել է հուլիսի 28-ին, նրան մեղադրանք է առաջադրվել 2008 թվականի Մարտի 1-ի գործով՝ ՀՀ քրեական օրենսգրքի 300.1-ին հոդվածի1-ին մասով՝ սահմանադրական կարգը տապալելու մեղադրանքով:

Մեկնաբանություններ (3)

Արարատ
Պապայի մասին են մտածում, դուրս գա՝ լավ կլինի: Իրա ժամանակ բանտարկված, խոշտանգված, ունեզրկված ու սպանված հարյուրավոր ՀԱՅԵՐԻ համար ինչու ստորագրահավաք չէիք անում?
Լուսիկ
ՀՀկ նոր պապա գտավ:
Պարույր
Տականքները մինջև վերջ ուզում են իրենց վատությունը արծ լինեն:Հետաքրքիրա սրանցից քանիսի վրայա հետո քրյական գործ հարուցվելու տարբեր բաների համար:Շուտ ցուցակը հրապարակեք որ պլյուս դնելով անցնենք ցուցակի վրայով:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։