Հունվարի 13-ին Արտակարգ իրավիճակների նախարար Արմեն Երիցյանի մոտ տեղի ունեցավ խորհրդակցություն, որի ընթացքում քննարկվեցին «Հայաստանի փրկարար ծառայության մասին» ՀՀ օրենքում կատարված փոփոխություններից և լրացումներից բխող անհրաժեշտ քայլերն ու աշխատանքները։

Բարեփոխումների արդյունքում Փրկարար ծառայությունը կունենա նոր կառուցվածք. կրկնվող ծառայությունները, բաժինները կմիանան նախարարության համապատասխան ծառայություններին։ Դրա հետ մեկտեղ նախատեսվում է ստեղծել Փրկարար ծառայության առջև դրված խնդիրներից բխող նոր ծառայություններ: Օրինակ՝ կձևավորվեն հատուկ խմբեր սակրավորների և պայթեցման աշխատանքների համար։

Առաջիկա օրերին կպատրաստվի Փրկարար ծառայության նոր կառուցվածքի մասին կառավարության որոշման նախագիծ։

Խորհրդակցության ժամանակ հատուկ ուշադրություն հրավիրվեց նաև քաղաքացիական պաշտպանության ծառայության հզորացման անհրաժեշտությանը։