Հունվարի 13-ին ոստիկանության Բաղրամյանի բաժնում հաղորդում է ստացվել, որ «Միրզախան» կոչվող տարածքից կրակոցների ձայներ են լսվում: Մեկնած օպերատիվ խումբը նշված տարածքից բերման է ենթարկել 1986 թ. ծնված Կոլյա Ա.-ին, 1990 թ. ծնված Գևորգ Ղ.-ին և նույն թվականին ծնված Մաթևոս Ս.-ին:

Պարզվել է, որ Կոլյա Ա.-ն իր մոտ ապօրինի պահվող «ԻԺ-17» մեկփողանի ողորկափող որսորդական հրացանով կատարել է կաքավի ապօրինի որս:

«Հրացանն առգրավվել և ուղարկվել է փորձաքննության: Կատարվում է հետաքննություն»,- հայտնում է ոստիկանությունը: