Տեսանյութեր
Լուսանկարներ
«Հեղափոխության հաղթանակը այլընտրանք չունի». Նիկոլ Փաշինյան
«Հայաստանի Հանրապետությունում հաստատված է ժողովրդի իշխանություն, և հավատացած եղեք՝ Հայաստանի Հանրապետությունում չկա որևէ ուժ, գոյություն չունի, որ ի վիճակի լինի կանգնել ժողովրդի իշխանության առաջ, որ ի վիճակի լինի կանգնեցնել ժողովրդական հեղափոխության հաղթանակը»,- «Ֆեյսբուք» սոցիալական ցանցի ուղիղ եթերում այսօր ասել է վարչապետ Նիկոլ Փաշինյանը:
«Ով որ կփորձի կանգնել այդ ճանապարհին, կհայտնվի պատմության աղբանոցում: Եւ ուզում եմ ձեզ հավաստիացնել, որ […] Հայաստանի Հանրապետությունում օրինականության հաստատումը այլընտրանք չունի»,- ասել է վարչապետը՝ հավելելով, որ պետության և ժողովրդի առաջ հանցագործություն կատարած բոլոր անձինք ենթարկվելու են պատասխանատվության:
Փաշինյանը ասել է նաև, որ նոր կառավարությունը «ժողովրդից ստացած լիազորությունների սահմանները» չի անցնելու, որովհետև նոր իշխանության անդամները չեն ուզում ուրիշների ապօրինությունները փոխարինել իրենց ապօրինություններով:
«Ժողովրդից գողացած ամեն մի կոպեկ, ամեն մի լումա վերադարձվելու է ժողովրդին, և ժողովրդական, ոչ բռնի, թավշյա հեղափոխության հաղթանակը պարզապես այլընտրանք չունի»,- ասել է նա՝ նշելով, որ «կուտակված» այլ հարցերի պատասխանը կտա օգոստոսի 17-ին Երևանի Հանրապետության հրապարակում սպասվող հանրահավաքի ժամանակ:
Մեկնաբանություններ (1)
Մեկնաբանել