Նախագահ Արմեն Սարգսյանը օգոստոսի 23-ին հրամանագիր է ստորագրել, որով Ինդոնեզիայում Հայաստանի դեսպան Ձյունիկ Աղաջանյանին համատեղության կարգով նշանակել է Մալայզիայում Հայաստանի դեսպան:

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի. Ինդոնեզիայի Հանրապետությունում Հայաստանի Հանրապետության արտակարգ և լիազոր դեսպան Ձյունիկ Աղաջանյանին, համատեղության կարգով, նշանակել Մալայզիայում Հայաստանի Հանրապետության արտակարգ և լիազոր դեսպան (նստավայրը՝ Ջակարտա)»,- գրված է նախագահի հրամանագրում: