HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հիմնովին նորոգվել է Նոյեմբերյանի ավագ դպրոցը

Այսօր տեղի է ունեցել հիմնանորոգված Նոյեմբերյանի ավագ դպրոցի վերաբացման հանդիսավոր արարողությունը: Այս մասին տեղեկացնում է կրթության նախարարությունը:

Բացմանը մասնակցել է օգոստոսյան խորհրդակցությունների շրջանակում Տավուշի մարզում գտնվող կրթության և գիտության նախարար Արայիկ Հարությունյանը: Նա շնորհավորել է աշակերտներին, ծնողներին, ուսուցիչներին հարմարավետ և ժամանակակից պահանջներին համապատասխան դպրոց ունենալու կապակցությամբ: Նախարարն իր խոսքում գոհունակություն է հայտնել շինարարներին` աշխատանքները որակով ու ժամկետում իրականացնելու համար:

Նոյեմբերյանի ավագ դպրոցը հիմնանորոգվել է Համաշխարհային բանկի աջակցությամբ իրականացվող «Կրթության բարելավում վարկային ծրագրի» շրջանակներում: Հիմնանորագվել է դպրոցի մեկ մասնաշենքը, իրականացվել են բոլոր 7 մասնաշենքերի սեյսմակայունությանն ուղված ամրացման աշխատանքներ, բարեկարգվել են  դպրոցի բակը, ֆուտբոլի և թենիսի մարզահրապարակները:

Նախարարությունը տեղեկացնում է, որ «Կրթության բարելավում վարկային ծրագրի» շրջանակում այս տարի շահագործման կհնաձնվեն հիմնովին վերակառուցված ևս 4 մարզային ավագ դպրոցներ (Արարատի մարզի Արարատ քաղաքի ավագ դպրոց, Արմավիրի մարզի Մեծամոր  քաղաքի թիվ 2 ավագ դպրոց, Կոտայքի մարզի Հրազդան քաղաքի թիվ 1 ավագ դպրոց և Գեղարքունիքի մարզի Մարտունի քաղաքի ավագ դպրոց):  Հիմնանորոգման նախագծերը մշակելիս «Կրթական ծրագրերի կենտրոն» ԾԻԳ-ի կողմից  հատուկ ուշադրություն է դարձվել ավագ դպրոցների կարիքներին. տեխնիկական, բնագիտական և հումանիտար հոսքերի ուսուցման կազմակերպման համար: Հաշվի են առնվել, թե ինչ տիպի դասասենյակներ և սարքավորումներ են անհրաժեշտ դպրոցին` ֆիզիկայի, քիմիայի, բնագիտության լաբորատորիաներ, համակարգչային սենյակներ և այլն:

Բացի այդ, հիմնանորոգման նախագծերում  պահպանվել են ներառական կրթության կազմակերպման պահանջները, այսինքն` վերակռուցված դպրոցների շենքերն ունեն հարմարեցված միջավայր: Բացի բուն շենքի հիմնանորոգումից, կատարվել է տարածքների բարեկարգում, կառուցվել են մարզական խաղահրապարակներ, մարզադահլիճներ: Հիմնանորոգվող  դպրոցները ընտրվել են ԿԳ նախարարության կողմից մշակված և Համաշխարհային  բանկի կողմից  հաստատված չափանիշների հիման վրա, որտեղ բացի շենքային պայմանների գնահատականից, հիմք է ընդունվել դպրոցի կառուցման տարեթիվը և աշակերտների քանակը: