Հոկտեմբերի 21-ին Տավուշի մարզի Բերքաբեր համայնքում կանցկացվի համայնքի ղեկավարի արտահերթ ընտրություն։ Նման որոշում ընդունեց կառավարությունը այսօրվա նիստին։

Տավուշի մարզի Բերքաբեր համայնքի ղեկավար Արթուրիկ Մադաթյանը հուլիսի 17-ին հրաժարական է ներկայացրել։ Նա համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած ընտրություններով։

Հիշեցնենք, որ հոկտեմբերի 21-ին համայնքի ղեկավարի արտահերթ ընտրություն կանցկացվի նաև Արմավիրի մարզի Դալարիկ, Գեղարքունիքի մարզի Երանոս, Սարուխան, Կոտայքի մարզի Արզնի, Գեղաշեն, Մրգաշեն համայնքներում, Սյունիքի մարզի Կապան քաղաքում։