HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Վալերիյ Օսիպյանը Մարտի 1-2-ի դեպքերի ժամանակ քաղաքացիների մոտ զենք-զինամթերք չի տեսել

Ոստիկանապետ Վալերիյ Օսիպյանը 2008 թվականի Մարտի 1-2-ի դեպքերի ժամանակ «հարյուրավոր ոստիկանների պես հերթապահել է»:

Այս մասին կառավարության նիստից հետո լրագրողի հարցին ի պատասխան ասաց Վալերիյ Օսիպյանը: Հարցին՝ հերթապահելիս քաղաքացիների մոտ զենք-զինամթերք տեսե՞լ է, Օսիպյանն ասաց. «Ինքս` ոչ, զենք-զինամթերք չեմ տեսել, բայց փայտեր և այլն բոլորս էլ տեսել ենք»:

Ինչ վերաբերում է նրան, թե մարտի 2-ի առավոտյան ցուցարարների մոտ դիմադրություն եղե՞լ է, ոստիկանապետն այսպես պատասխանեց.

«Հիմա կառավարության դիմաց բազմաթիվ քաղաքացիներ կան, ակցիա են իրականացնում, պայմանական ընդունենք, որ հարակից Տիգրան Մեծ փողոցը փակել են, ոստիկանները մոտենան, պահանջեն փողոցը բացել, բնականաբար կհրաժարվեն, ավտոմատ քաշքշուկ է ստեղծվելու, թեպետ ոստիկանությունն օրինական գործողություն է իրականացնում, և չի բացառվում, որ օրենքով նախատեսված կարգով կարող է ֆիզիկական ուժ կիրառվել, դա պետք է որպես դիմադրությո՞ւն դիտվի»:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter