«Օրինաց երկիր» կուսակցության նախընտրական ծրագրի հիմնադրույթները
«Օրինաց երկիր» կուսակցությունը ներկայացնում է իր նախընտրական ծրագիրը, որը մշակված է մայրաքաղաքի կենսագործունեության ու կառավարման համակարգի կազմակերպման սկզբունքային նոր մոտեցումներով և միտված է Երևանը դարձնելու զարգացած ու բարեկեցիկ քաղաք, որտեղ յուրաքանչյուր երևանցի կտեսնի և կհասկանա քաղաքի զարգացման հեռանկարը, կտեսնի իրեն հուզող խնդիրների լուծման ճանապարհն ու արդյունքները:
Մեր առանցքային ռազմավարական հիմնադրույթները, կարգախոսները և ուղղություններն են:
ԵՐԵՎԱՆ ՔԱՂԱՔԻ ԿԱՌԱՎԱՐՄԱՆ
ՍԿԶԲՈՒՆՔՆԵՐԸ
Դինամիկ զարգացող աշխարհում համայն հայության մայրաքաղաքի` Երևանի զարգացման և մրցունակության ապահովումը պետք է խարսխված լինի նորարարական մոտեցումների և կառավարման համակարգի արդիականացման հենքի վրա, քաղաքային իշխանության՝ քաղաքացիների հետ արդյունավետ համագործակցման վրա հիմնված: Առավել ևս, որ աշխարհի զարգացած մայրաքաղաքների կառավարման մարմինները քաղաքային ենթակառուցվածքների ղեկավարման գործում որդեգրել են ռազմավարական մտածելակերպի և նորարարության արդյունավետ համադրման մոդելներըը: Քաղաքի կառավարման համակարգում անհրաժեշտ է որդեգրել և կյանքի կոչել «Երևանի իշխանությունը պետք է ծառայի երևանցուն,, կարգախոսը և ամրագրել հետևյալ սկզբունքները և գերակայությունները.
- Համարձակ, խելացի և նորարական բարեփոնումներ, ուղղված Երևանի զարգացմանը և երևանցիների խնդիրների լուծմանը,
- Քաղաքի կառավարման բոլոր բնագավառների համար խելացի և հիմնավորված, ժամանակակից լավագույն փորձի վրա խարսխված զարգացման ծրագրերի մշակումը և իրականացումը,
- Արդյունքին միտված ծրագրավորված քաղաքականության իրականացում պայքարելու համար սոցիալական ծայրահեղ բեռնվածության, հուսալքության և անտարբերության, բյուրոկրատական քաշքշուկների դեմ, քաղաքային իշխանության հանդեպ անվստահության մթնոլորտից ձեռբազատվելուն ուղղված հետևողական ու կոնկրետ քաղաքականության իրականացում` երևանցու դերի, կարծիքի արժևորման միջոցով,
- Քաղաքային իշխանության համակարգում ավագանու դերի կարևորում և բարձրացում, կառավարման ոլորտում թափանցիկության, վերահսկողության, տեղեկատվայնության, պատասխանատվության ու կատարողական կարգապահության մեխանիզմների ներդրում և ամրապնդում,
- Քաղաքի կառավարմանը քաղաքացիների և քաղաքացիական հասարակության ինստիտուտների ակտիվ մասնակցության, քաղաքային իշխանության և քաղաքացիների արդյունավետ հետադարձ կապի ապահովում:
- Երևանին և երևանցիներին առնչվող կարևոր հարցերի շուրջ երևանյան հանրաքվեների կազմակերպում, հանրային քննարկումների մեխանիզմների կիրառում` մինչև որոշումների ընդունումը:
ՀԱՄԱՅՆՔԱՅԻՆ ԵՎ ՍՈՑԻԱԼԱԿԱՆ ԲՆԱԿՇԻՆԱՐԱՐՈՒԹՅԱՆ ԻՐԱԿԱՆԱՑՈՒՄ
- մշակել և իրականացնել համայնքային և սոցիալական բնակարանաշինության ծրագրեր քաղաքապետարանի միջոցներով՝ այդ թվում ներգրավելով նաև մասնավոր ներդրողների,
- մշակել Երևան քաղաքի բնակշինարարության համալիր ծրագիր,
- յուրաքանչյուր թաղամասում ուսումնսաիրել և գույքագրել նոր բնակելի շենքերի կառուցապատման հնարավորությունները,
- բացառել բյուրոկրատական քաշքշուկները բնակելի շենքերի շինարարության թույլտվությունների ոլորտում
- Երևան քաղաքի բյուջեում նախատեսել միջոցներ բնակելի շենքերի կառուցման նպատակով` այլ երկրների խոշոր մայրաքաղաքների օրինակով,
- խթանել մասնավոր ներդրումները բնակելի շինարարության ոլորտում, սահմանել գույքահարկի և հողի հարկի վճարման ճկուն արտոնությունների համակարգ,
- շարունակել ՕԵԿ-ի նախաձեռնած բարեփոխումները` եկամտահարկից զատ, գույքահարկից և հողի հարկից ևս մասնահումներ կատարել հիփոթեքային վարկերի մարման ժամանակ քաղաքացու վճարած եկամտահարկից մասհանում անելով վարկի սպասարկման համար,
- հաշվի առնելով Երևանում բնակարանների աճող գները` քայլեր ձեռնարկել Երևանում հիփոթեքով բնակարան ձեռք բերելիս կանխավճարը բացառելու համար,
- գույքագրել Երևանի բոլոր անավարտ շենքերը՝ որպես բնակելի շենքեր կառուցապատելու նպատակով,
- գույքագրել բոլոր վթարային շենքերը և հստակ ժամանակացույցով ձեռնամուխ լինել դրանց վերանորոգմանը,
- տարիներ շարունակ տարբեր հանրակացարաններում բնակվող մարդկանց բնակարանները նրանց անվճար տրամադրել սեփականության իրավունքով:
ՔԱՂԱՔԱՅԻՆ ՏՆՏԵՍՈՒԹՅԱՆ ԶԱՐԳԱՑՈՒՄ ԵՎ ԱՐԴԻԱԿԱՆԱՑՈՒՄ
Երևանում կուտակված բազմաթիվ հիմնախնդիրների լուծման բանալին նախ և առաջ քաղաքային տնտեսության զարգացումն է` խոշոր մայրաքաղաքների օրինակով: Այդ առումով անհրաժեշտ է արագ նախաձեռնել Երևանում ժամանակակից , ինովացիոն և գիտատար տնտեսության համակարգի ձևավորման գործընթաց, համադրել տնտեսության արդիականացման ավանդական և նորարական ուղղությունները:Ավանդական տեսանկյունից անհրաժեշտ է քաղաքի տնտեսության հիմնական և հեռանկարային ճյուղերի զարգացման ռազմավարական ծրագրերի մշակում և իրականացում , որի արդյունքում կարող է երաշխավորվել.
- կայուն տնտեսական զարգացման ապահովում և աշխատատեղերի ստեղծում,
- ներդրումների և ներքին խնայողությունների ավելացման համար բարենպաստ տնտեսական միջավայրի ստեղծում,
- փոքր և միջին գործարարության զարգացման ուղղությամբ նպատակային պետական աջակցության քաղաքականության արդյունավետ իրականացում,
- մայրաքաղաքում օտարերկրյա ներդրողներին և հայրենական արտադրողներին հետևողական օգնության և աջակցության ապահովում աշխատատեղերի ստեղծման գործում,
- մայրաքաղաքի տնտեսության համար ռազմավարական նշանակություն ունեցող ձեռնարկությունների վերագործակման և զարգացման համար նպատակային ծրագրերի ներդրում:
նորարական տեսանկյունից անհրաժեշտ է.
- ինովացիոն , ռազմավարական կառավարման և սոցիալտնտեսական կայուն զարգացման,բալանսավորված ֆինանսական պլանավորման համակարգերի և մեթոդներ ներդրում
- տեղեկատվական տեխնալոգիանների հիման վրա աշխատող մանր և միջին ձեռնարկություններին շուկայագիտական աջակցություն
տետեկատվական քաղաքային միջավայրի ձևավորում
տեղեկատվական քաղաքային միջավայրի ձևավորում, նորարարական նախաձեռնությունների և հետազոտական գործունեության հետևողական աջակցություն:
ԵՐԵՎԱՆԻ ԶԱՐԳԱՑՄԱՆ ԱՌԱՋՆԱՀԵՐԹՈՒԹՅՈՒՆՆԵՐԸ
ՆՈՐ ԱՇԽԱՏԱՏԵՂԵՐԻ ՍՏԵՂԾՈԻՄ
Երևանում կուտակված բազմաթիվ հիմնախնդիրների լուծման բանալին նախ և առաջ նոր աշխատատեղերի ստեղծումն է:
Այդ առումով անհրաժշտ է.
- ստեղծել բարենպաստ իրավական և տնտեսական միջավայր, որտեղ յուրաքանչյուր ակտիվ ու գործունյա երևանցի կարող է կազմակերպել իր գործը, հիմնադրել իր բիզնեսը, զբաղվել նախընտրած և շահավետ աշխատանքով,
- աջակցել և համայնքային արտոնություններ սահմանել այն ձեռնարկությունների համար, որոնք ստեղծում են նոր աշխատատեղեր,
- պարբերաբար մշակել և իրականացնել նորարական նախաձեռնությունների ու հետազոտությունների վրա հիմնված ծրագրեր`նոր բիզնես-գաղափարների խթանման նպատակով,
- գործնական քայլերով աջակցել տեղեկատվական տեխնոլոգիաների ոլորտում և հեռանկարային ներդրումային ծրագրեր առաջարկող ընկերություններին
- Երևանում գործող կրթական, գիտական հաստատությունների և բիզնեսի կապի ամրապնդման նպատակով Երևանի բոլոր թաղամասերում ստեղծել կարիերայի ժամանակակից կենտրոններ,
- խրախուսել և ըստ ամենայնի պաշտպանել օտարերկրյա և Սփյուռքի ներկայացուցիչներին, ովքեր ցանկություն ունեն Երևանում ներդրումներ կատարել ու աշխատատեղեր ստեղծել, ապահովել նրանց օրինական իրավունքների և շահերի պաշտպանության գործուն մեխանիզմներ,
- աշխատանք փնտրողների համար Երևանի բոլոր թաղամասերում ստեղծել համայնքային միասնական տեղեկատվական կենտրոններ, որտեղ կմեկտեղվեն պետական ու մասնավոր սեկտորի առաջարկությունները:
ՍՈՑԻԱԼԱԿԱՆ ՈԼՈՐՏԻ ԳՈՐԾԱՌՈՒՅԹՆԵՐԻ
ԱՐԴԻԱԿԱՆԱՑՈՒՄ
Սոցիալական քաղաքականությունը մայրաքաղաքում չի համապատասխանում իր առաքելությանը՝ սոցիալական համերաշխության և սոցիալական արդարության հաստատմանը:
Այսօր Երևանում անհրաժեշտ է
- մշակել և իրականացնել նոր սոցիալական ռազմավարություն, որը էականորեն կբարելավի սոցիալապես առավել խոցելի խմբերի վիճակը,
- նախատեսել, քաղաքային բյուջեի մաքսիմալ սոցիալական ուղղվածություն,
- քաղաքային իշխանության ուշադրության կենտրոնում մշտապես պահել որակյալ բժշկական օգնություն ստանալու հնարավորությունների ու երաշխիքների ապահովումը, անհրաժեշտ նյութատեխնիկական բազայի ընդլայնումն ու արդիականացումը, Երևանում անվճար բուժօգնության համակարգի ներդրումը,
- իրականացնել մայրության և մանկության սոցիալական ապահովության համակարգի ընդլայնում, երեխաների ամառային հանգստի կազմակերպում, անվճար մանկապարտեզների ցանցի զարգացում,
- ապահովել տարեցների համար ծերապարտեզների ցանցի ընդլայնում և պայմանների բարելավում, հաշմանդամ քաղաքացիների համար կենսագործունեության բարենպաստ միջավայրի ձևավորում` հատուկ ենթակառուցվածքների ստեղծման միջոցով,
- ընդլայնել անվճար սոցիալական ծառայությունների ցանկը՝ սոցիալապես անապահով խավերի, աշխատանքի և պատերազմի վետարանների, վիրավոր և զոհված ազատամարտիկների ընտանիքների համար,
- ապահովել բնակչության սոցիալական աջակցության համակարգի գործունեության նկատմամբ հանրային մշտական վերահսկողություն:
ԿՈՄՈՒՆԱԼ-ԲՆԱԿԱՐԱՆԱՅԻՆ ՏՆՏԵՍՈՒԹՅԱՆ
ԲԱՐԵՓՈԽՈՒՄ
Այսօր կոմունալ բնակարանային տնտեսության հետ կապված հիմնախնդիրները բազմաթիվ են:
Դրանք լուծելու համար անհրաժեշտ է
- բազմաբնակարանային շենքերի շինարարության խթանում,
- վթարային շենքերի պլանավորված վերականգնում,
- բազմաբնակարանային շենքերի սեփականության կառավարման և պահպանման համակարգի արդիականացում և համատիրությունների գործառույթների հստակեցում և պատասխանատվության մեծացում,
- բազմահարկ շենքերի բարեկարգման աշխատանքների՝ կապիտալ կամ ընթացիկ վերանորոգման հստակ ծրագրավորում և իրականացում,
- շենքերի տանիքների և ջրհորդանների, նկուղների և աստիճանավանդակների, մուտքային դռների, աղբատար խողովակների և զետեղարանների հիմնովին վերանորոգում,
- վերելակների վերանորոգման կամ փոխարինման համալիր ծրագրի մշակում և իրականացում, վերելակային տնտեսության սպասարկման ծառայության գործունեության վերագործարկում՝ առաջավոր փորձի կիրառմամբ,
- բնակելի շենքերի բակերում կանաչ գոտիների ձևավորման, զրուցարանների ու նստարանների տեղադրման, խաղահրապարակների ստեղծման, աշխատանքների ընդլայնում,
- ջրի շուրջօրյա մատակարարման հարցի վերջնական լուծում և սակագնի հետևողական նվազեցում,
- Երևանի սեյսմոլոգիական քարտեզի ճշգրտում, յուրաքանչյուր շենքի սեյսմակայունության, հրդեհային և տեխնիկական անվտանգության ապահովման ու վերակառուցման անձնագրերի մշակում,
- աղբահանության վիճակի կտրուկ բարելավում, կենցաղային թափոնների վերամշակման ձեռնարկությունների ստեղծում՝ բնապահպանական նորագույն տեխնոլոգիաների կիրառմամբ` հստակ ժամանակացույցով,
- բնակչության սպասարկման վարձերի սահմանման գանձման գործընթացի հստակ կանոնակարգում՝ նախկինում կուտակված պարտքերի մարման հարցի օբյեկտիվ և իրավական լուծում, հիմք ընդունելով այն սկզբունքը, որ քաղաքացիները պետք է վճարեն միմիայն ծառայությունների դիմաց,
- բնակչության համար ծառայությունների մատուցման ոլորտի ազատականացում և մրցակցության ապահովում այս ոլորտում, մասնավոր ընկերությունների ներգրավման հնարավորությունների խրախուսում և մայրաքաղաքում ներդրումային ծրագրերի գրավչությունը բարձրացնելուն ուղղված գործնական քայլերի իրականացում:
ԿԱՊԻ, ՀԵՌԱՀԱՂՈՐԴԱԿՑՈՒԹՅԱՆ ԵՎ
ՏՐԱՆՍՊՈՐՏԻ ԶԱՐԳԱՑՈՒՄ
Կապի, հեռահաղորդակցության և տրանսպորտի զարգացումը ժամանակի հրամայականն է: Երևանը կարող է և պետք է դառնա տարածաշրջանային հեռահաղորդակցման և տրանսպորտային խաչմերուկ: Ուստի հարկավոր է՝
-իրականացնել Երևանի ամբողջ տարածքի տեղեկատվայնացում և համակարգչայնացում, Երևանում անվճար WiFi համակարգի ապահովում` Մոսկվայի և բազմաթիվ այլ մայրաքաղաքների օրինակով,
-բարելավել հասարակական տրանսպորտի գործունեության համակարգը՝ ավելացնելով ավտոբուսների և տրոլեյբուսների քանակը, հնարավորություն ընձեռնել վերսկսելու Երևանի մետրոպոլիտենի կիսակառույց կայարանների շինարարությունը,
-ստեղծել պայմաններ էկոլոգիապես մաքուր՝ հեծանիվային տրանսպորտի զարգացման համար,
-ձեռնարկել քայլեր տրանսպորտի կառավարման համակարգի արդիականացման՝ խցանումների նվազեցման, կանգառներում էլեկտրաէներգիայի, տեղեկատվական միջոցների և ինտերնետի լայն օգտագործման, հասարակական տրանսպորտից օգտվելու զեղչային համակարգի վերանայման ուղղությամբ,
-զարգացնել ժամանակի պահանջներին համապատասխան ստորգետնյա և վերգետնյա ավտոկայանատեղիների և հետիոտնի համար նախատեսված անցուղիների կառուցման գործընթացը,
-ներդնել ավտոճանապարհների շինարարության որակի խստացման և վերանորոգման որակի ապահովագրական համակարգ:
ԵՐԵՎԱՆԻ ԿԱՌՈՒՑԱՊԱՏՈՒՄ ԵՎ ԲԱՐԵԿԱՐԳՈՒՄ
Երևանի վարչական շրջանների համաչափ զարգացման, կառուցապատման ու զարգացման խնդիրները լուծելու համար անհրաժեշտ է՝
- իրականացնել մայրաքաղաքի շենքերի ու փողոցների գույքագրում, դրանց անձնագրերի կազմում՝ սահմանելով առկա խնդիրների լուծման համար հստակ ժամկետներ ու պատասխանատուներ,
- հանրային ու մասնագիտական լայն քննարկման արդյունքում ընդունել Երևան քաղաքի նոր գլխավոր հատակագիծը,
- պահպանել Երևանի պատմամշակութային հուշարձանները, շենքերի ճարտարապետական տեսքն ու հին Երևանի նկարագիրը՝ ժամանակակից, նոր կառուցապատման միտումների համադրմամբ,
- կանոնակարգել շենքերի արտաքին տեսքի ճարտարապետական ձևավորման, մուտքերի, լուսավորության, գովազդային ձևավորման, փողոցների, մայթերի բարեկարգման, ավտոկայանատեղերի տեղաբաշխման հարցերը, ավարտել փողոցների և շենքերի հասցեների ցուցանակների տեղադրումը,
- փողոցների ու նրբանցքների բարեկարգման, կանաչապատման, ասֆալտապատման և լուսավորման աշխատանքների իրականացման առաջնահերթությունը տեղափոխել գլխավոր փողոցներից դեպի քաղաքի ծայրամասերում գտնվող երկրորդական փողոցներ:
Քաղաքաշինություն
Երևանում մասնավոր, էլիտար շինարարության մեծ մասն իրականացվել է “հողը դա փող է” սկզբունքով, ոչնչացնելով կանաչ տարածքները և զանգվածաբար ոտնահարելով քաղաքացիների իրավունքները: Ընդ որում, քաղաքի զարգացման գործընթացում հաճախ են տեղ գտել անհամաչափություններ, ուստի այս ոլորտում անհրաժեշտ է.
- առանձնահատուկ ուշադրություն դարձնել Երևանի համալիր և հավասարաչափ զարգացմանը,
- քաղաքաշինությոն ոլորտում ամրապնդել օրինականությունը և կանխել ապօրինի շինարարության բազմազան դրսևորումները,
- պուրակների, զբոսայգիների և այլ կանաչ տարածքների պահպանման համար կիրառել օրենսդրական պաշտպանության կոշտ միջոցներ, անխտիր ներդնել “կանաչ ճարտարապետության” սկզբունքը բոլոր թաղամասերում,
- բացառել քաղաքացիների իրավունքների և շահերի ոտնահարումը կառուցապատման ծրագրերի իրականացման գործընթացում, միաժամանակ քաղաքացիների համար`շինություններ կառուցելու ընթացքում չհարուցել արհեստական խոչընդոտներ և բյուրոկրատական քաշքշուկներ, եթե վերջիններս չեն վնասում մյուս քաղաքացիների շահերին` թափանցիկ դարձնելով շինարարության համապատասխան ընթացակարգերը և ձևակերպումները,
- առանց քաշքշուկների օրինականացնել երևանցիներին պատկանող բնակելի տներն ու տնամերձ հողատարածքները:
ԲՆԱՊԱՀՊԱՆՈՒԹՅՈՒՆ
Աշխարհի առավել զարգաացած մայրաքաղաքներում առաջնահերթ կարևորվում են բնապահպանական խնդիրները, մինչդեռ մեզանում բնությունը դիտարկվում է որպես շահագործման օբյեկտ: Վերջին շրջանում մտահոգիչ են դառնում անբարենպաստ բնապահպանական միջավայրի հետ կապված շնչառական և մաշկային հիվանդությունները: Իրավիճակի շտկման համար անհրաժեշտ է.
- Երևանի բնապահպանական հայեցակարգի մշակում և ընդունում,
- կանաչ տարածքներում չհիմնավորած կառուցապատման դադարեցում,
- քաղաքային այգիների և զբոսանքի վայրերի բարեկարգում,
- ջրային ռեսուրսների խնայողական օգտագործման մեխանիզմների մշակում և ներդրում,
- կենցաղային թափոնների վերամշակման ձեռնարկությունների ստեղծում` բնապահպանական նորագույն տեխնոլոգիանների կիրառմամբ,
- կանաչ տարածքների, անտառածածկույթով հարուստ վայրերի անխնա օգտագործման համար պատասխանատվության խստացում,
- ծառատունկի կազմակերպմամբ ընդլայնել կանաչ տարածքները,
- դադարացնել կանաչ տարածքներում կառուցապատման աշխատանքները, բացառել քաղաքի գլխավոր հատակագծից դուրս կետային շինարարությունը,
- մշակել և ընդունել Երևանի բնապահպանական հայեցակարգը, հիմնել նոր քաղաքային այգիներ և զբոսանքի վայրեր, պաշտպանիչ անտառաշերտեր՝քաղաքի օդային ավազանը բարելավելու նպատակով, կանաչապատման, արդյունավետության բարեկարգման նպատակով վերականգնել ոռոգման ցանցը՝ ժամանակակից ջրագծերի կառուցմամբ,
- շարունակել շենքերի բակերում կանաչ գոտիների ստեղծումը, զրուցարանների ու նստարանների տեղադրումը,
- բացառել քաղաքացիների իրավունքների և շահերի ոտնահարումը կառուցապատման ծրագրերի իրականացման գործընթացում, ապահովել բարենպաստ ներդրումային միջավայրի ձևավորում կառուցապատման կանխատեսելի և հստակ պայմանների սահմանմամբ,
- մշակել հատուկ նշանակության ծրագրեր վթարային և քանդման եմթակա բազմաբնակարանային շենքերի հիմնախնդիրների անհապաղ լուծման համար,
- ապահովել հանրային նշանակություն ունեցող կառուցապատման և բարեկարգման նախագծերի հրապարակման, հասարակական քննարկման, քաղաքաշինական համալիր գնահատման և շրջակա միջավայրի վրա ազդեցության փորձաքննության պարտադիր փուլերի իրականացումը:
ԱՌՈՂՋԱՊԱՀՈՒԹՅՈՒՆ
Երևանում բնակչության լիարժեք , հատկապես` մասնագիտացված բուժօգնություն ստանալու հնարավորությունը դեռևս ցածր է: Կուտակված խնդիրների լուծման համար առաջնահերթ նշանակություն ունի.
- Երևանում անվճար հիվանդանոցային համակարգի ներդրումը սոցիալապես անապահով խավերի համար,
- պարտադիր և կամավոր բժշկական ապահովագրական համակարգի ներդրումը, որը հնարավորություն կտա բնակչությանը ստանալ լիարժեք և երաշխավորված բուժօգնություն,
- բուժաշխատողների աշխատավարձերի շարունակական բարձրացումը և անցումը բժիշկների վարձատրման նորարարական եղանակների,
- առողջապահության մեջ պրոֆիլակտիկ ուղղության զարգացումը,
- ժամանակակից բժշկական մասնագիտացված կենտրոնների ստեղծումը` հագեցված բարձր տեխնոլագիական սարքավորումներով,
- մայրության, մանկության և ընտանիքի առողջության ապահովմանն ուղղված համալիր ծրագրերի մշակումը և իրականացումը,
- բուժաշխատողների համար սոցիալական արտոնությունների համակարգի ձևավորումը:
ԵՐԻՏԱՍԱՐԴԱԿԱՆ ՔԱՂԱՔԱԿԱՆՈԻԹՅՈՒՆ
Երևանը խոշորագույն ուսանողական և կրթական կենտրոն է: Այս ոլորտում առաջարկվում է նախաձեռնել հետևյալ քայլերը.
- ”Երևանի երիտասարդություն” նպատակային ծրագրի մշակում և իրականացում` ներառյալ բնակարանային պայմանների բարելավումն ու բնակարանների ձեռքբերման հարցերի փուլային լուծումները, երիտասարդության զբաղվածության և սոցիալական աջակցության կազմակերպումը, սպորտի, տուրիզմի և հանգստի նյութատեխնիկական բազայի ամրապնդումը,
- շնորհալի երիտասարդներին հասցեական աջակցության ցուցաբերում,
- նորաստեղծ երիտասարդ ընտանիքների համար սոցիալական աջակցության նպատակային ծրագրերի իրականացում,
- ուսումնական հաստատություններում սահմանափակ ֆիզիկական կարողություններ ունեցող սովորողների համար մատչելի և հարմարավետ միջավայրի ձևավորում,
- ուսանողների համար հանրային տրանսպորտից օգտվելու զեղչերի սահմանում,
- նախազորակոչային տարիքի երիտասարդների ֆիզիկական ու բարոյահոգեբանական պատրաստության մակարդակի բարձրացմանն ուղղված ծրագրերի մշակում ու իրականացում,
- քաղաքի վարչական շրջաններում երիտասարդական կենտրոնների ստեղծում:
ԿՐԹՈՒԹՅԱՆ ԲԱՐՁՐ ՈՐԱԿԻ ԱՊԱՀՈՎՈՒՄ
Հայաստանի ապագան մեծապես պայմանավորված է երիտասարդների ներուժի կրթական և ստեղծագործական հնարավորությունների զարգացմամբ: Ուստի առաջընթացի համար անհրաժեշտ է.
- դպրոցների, միջին մասնագիտական կրթության հաստատությունների նյութատեխնիկական և սպորտային բազայի արդիականացում, համակարգչային և ինտերնետային միասնական ցանցի ձևավորում,
- մանկապարտեզների, դպրոցների, ուսումնարանների, քոլեջների, ԲՈՒՀ-երի և գիտական հաստատությունների, շենքերի սեփականաշնորհման արգելքի պահպանում,
- առաջին դասարանից երկու օտար լեզուների և համակարգչային գիտելիքների ուսուցանում,
- բարձրագույն ուսումնական հաստատությունների գործառույթների և նրանց շրջանավարտների գիտելիքների որակի գնահատման չափորոշիչների մակարդակի բարձրացմանն աջակցություն,
- ուսանողական հանրակացարանների բարելավմանն ուղղված նպատակային ծրագրերի իրականացում:
ԱՐՏԱՔԻՆ ԿԱՊԵՐԻ ԸՆԴԼԱՅՆՈՒՄ ԵՎ ՍՓՅՈՒՌՔԻ ՀԵՏ ՀԱՄԱԳՈՐԾԱԿՑՈՒԹՅԱՆ ԱՄՐԱՊՆԴՈՒՄ
Բազմաթիվ երկրների մայրաքաղաքներ ակտիվ արտաքին շփումներ ունեն միմյանց հետ, ինչն էապես նպաստում է քաղաքային ենթակառուցվածքների զարգացմանը, տնտեսական և մշակութային երկխոսության ակտիվացմանը, քաղաքային կառավարման ոլորտում առաջավոր փորձի փոխանակմանը: Երևանի դեպքում այն առավել քան կարևորվում է` հաշվի առնելով բազմամիլիոն սփյուռքի առկայությունը: Այս առումով առաջարկում ենք.
-տարեցտարի ընդլայնել Երևանի միջազգային կապերը՝ դրանք ծառայեցնելով մայրաքաղաքի զարգացմանը և միջազային ասպարեզում հեղինակության բարձրացմանը,
- ստորագրել համագործակցության համաձայնագրեր աշխարհի զարգացած երկրների մայրաքաղաքների հետ, իրականացնել համատեղ ծրագրեր տնտեսության, կրթության, մշակույթի, և այլ ոլորտներում,
-ձևավորել ընդհանուր տեղեկատվական դաշտ աշխարհի հայաշատ քաղաքների միջև,
- Երևանը պետք է աջակցի համասփյուռ հայությանը լեզվի պահպանման և ուսուցման, հայոց լեզվի և պատմության սփյուռքահայ մասնագետների պատրաստման, ԲՈՒՀ-երում սփյուռքահայ ուսանողների քանակի ավելացման հարցերում՝ այս ճանապարհին որպես առաջին քայլ Երևանում ստեղծելով «էլեկտրոնային համալսարան», որը կարող է նորագույն տեխնոլոգիաների հիման վրա դառնալ Երևան-Սփյուռք կապերի ամրապնդման կարևորագույն օղակ:
Մեկնաբանել