Հնդկաստանի Հանրապետության օրվա 63-րդ տարելիցի տոնակատարության շրջանակում Հայ-հնդակական բարեկամություն ՀԿ-ն Հայաստանում Հնդկաստանի դեսպանատան աջակցությամբ կազմակերպելու է «Հնդկաստանը հայերի աչքերով» թեմայով լուսանկարների ցուցահանդես: 

Այն տեղի կունենա Նարեկացի Արվեստի Միությունում և կշարունակվի 3 օր՝ հունվարի 20-ից մինչև հունվարի 22-ը: 

Ցուցահանդեսի նպատակն է ներկայացնել Հնդկաստանի մշակութային եւ պատմական հրաշքները՝ պատկերված Հնդկաստան այցելած հայ ճամփորդների կողմից:

Յուրաքանչյուր տարի տարբեր նպատակներով բազմաթիվ հայեր են այցելում Հնդկաստան: Լինի դա զբոսաշրջիկ, ուսանող կամ գործարար, նրանք տեսախցիկի միջոցով Հնդկաստանից իրենց հետ բերում են հիշողություններ: Դրանք իրենց սեփական պատկերացումներն են Հնդկաստանի մասին, որոնցով կիսվում են իրենց մտերիմների հետ: 

Միջոցառումը կհամախմբի բոլոր նրանց, ովքեր սիրում են հնդկական մշակույթը եւ չեն ուզում բաց թողնել հնդկական մշակույթի հետ շփվելու հնարավորությունը: Բացի այդ՝ սա Հայաստանում հայ-հնդկական ամբողջ համայնքի համար միավորվելու եւ մտքեր ու տպավորություններ փոխանակելու ևս մեկ պատճառ կլինի: Ցուցահանդեսի բացման արարողության գլխավոր հյուրերը կլինեն Հայաստանում Հնդկաստանի արտակարգ և լիազոր դեսպան Աչալ Կումար Մալհոթրան: