Այսօր Մարդու իրավունքների պաշտպան Կարեն Անդրեասյանն ընդունել է Հայաստանի հարցով ԵԽԽՎ մոնիտորինգի հանձնաժողովի համակարգող լորդ Ջոն Պրեսկոտին։

Հանդիպման ընթացքում քննարկվել են մի շարք հարցեր, որոնց թվում էին Մարտի 1-ի իրադարձությունների արդյունքում 10 զոհերի մահվան հանգամանքների քննությունը (inquiry) և մարտյան հետևանքների վերացման ճանապարհները, 2012թ. կայանալիք խորհրդարանական ընտրությունների նախապատրաստական աշխատանքները, ինչպես նաև իրավապահ մարմինների համակարգում բարեփոխումները։

Ջոն Պրեսկոտը դրական է գնահատել ժողովրդավարական բարեփոխումների գործընթացը Հայաստանում։  Մարդու իրավունքների պաշտպանն իր հերթին իր պատրաստակամությունն է հայտնել օժանդակելու քննարկված խնդիրների հետ կապված յուրաքանչյուր նախաձեռնությանը։ Այս մասին հայտնում է ՄԻՊ գրասենյակը: