«Սուրբ Գրիգոր Լուսավորիչ» ԲԿ-ում պայթյուն է տեղի ունեցել, որի հետևանքով կա մեկ զոհ: Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը մեզ հետ զրույցում ասաց, որ այսօր 12:05-ին ԲԿ-ից ահազանգ են ստացել, որ թթվածնի բալոնի պայթյուն է եղել:

Ջանոյանի խոսքով՝ պայթյունի հետևանքով զոհվածը 1978 թվականին ծնված քաղաքացի է, որն աշխատում էր թթվածնի արտադրամասում:

Քննչական կոմիտեի լրատվական վարչության պետ Նաիրա Հարությունյանն ասաց, որ այս պահին դեպքի վայրում քննչական գործողություններ են իրականացվում, և ավելի ուշ մանրամասներ կհայտնեն:

Դեռևս չճշտված տեղեկությունների համաձայն՝ պայթյունը եղել է բժշկական կենտրոնի հետնամասում:

Գ;խավոր լուսանկարը՝ բժշկական կենտրոնի կայքից

Լուսանկարները՝ Հակոբ Պողոսյանի