Սիրիահայեր Սեզար Թաթլեյանը և Արթին Ալմաջյանը, ինչպես նաև Հայաստանից Արցախ տեղափոխված Փափագ Ստեփանյանը, ազատագրված Քաշաթաղում առանձնատներ ստացան Թուֆենկյան հիմնադրամից այս շաբաթվա ընթացքում։

Շաբաթը Թուֆենկյան հիմնադրամի համար տոնական էր՝ հիմնադրամը նշեց Արցախում գործունեության 15 ամյակը։

3 տները կառուցվել/վերանորոգվել են Արցախի ազատագրված տարածքները՝ մասնավորապես Քաշաթաղը, վերակառուցելու և վերաբնակեցնելու ծրագրի շրջանակներում, որի միջոցով բացի վերաբնակիչներին բնակարանային աջակցություն տրամադրելուց նաև վերականգնվում են Քաշաթաղի ավիրված ենթակառուցվածքները՝ դպրոցներ, կլինիկաներ, ջրամատակարարման համակարգեր և այլն։

Բնակարանամուտի 3 արարողություններին մասնակցեցին Թուֆենկյան հիմնադրամի և Քաշաթաղի վարչակազմի ներկայացուցիչներ, ինչպես նաև հիմնադրամի հյուրերը Սփյուռքից։

Գլխավոր լուսանկարում` Արթին Ալմաջյանի տան բացումը