![](/static/articles/09/35/75/l-9ptNhb8kP7.jpg)
Աշոտ Աղաբաբյանի «Թակարդ» վեպը վաճառքի կհանվի հոկտեմբերի 4-ից
Հոկտեմբերի 4-ից Երևանի բոլոր գրախանութներում ու գրքի վաճառքի կետերում կսկսվի գրող Աշոտ Աղաբաբյանի «Թակարդ» վեպի վաճառքը:
ժամը 14:00 -19:00-ն հեղինակը կհյուրընկալվի «Բուկինիստի» գլխամասային գրախանութում (Մաշտոցի 20), որտեղից ընթերցողները կարող են «Թակարդ» գիրքը ձեռք բերել հեղինակի մակագրությամբ:
«Թակարդի» գլխավոր հերոսի անուն-ազգանունը հասկանալի պատճառով չի գրվում մամուլում, նա չի երևում հեռուստաէկրաններին: Նրա նմանների բացառիկ գործողությունների մասին սովորաբար լռում են կամ խոսում միայն տասնամյակներ անց: Երկրի համար ճակատագրական պահին հատուկ պատրաստություն անցած այս եզակի մարդիկ իրենց բացառիկ գործողություններով անուրանալի ծառայություններ են մատուցում հայրենիքին: Բայց սովորաբար նրանց «մոռանում են»:
Աշոտ Աղաբաբյանի «Թակարդը» վեպի հերոսը այդ բացառիկ անհատներից մեկն է՝ մեր կողքին ապրող հետախույզ «Ջոն Հանիսյանը», որի անհավանական թվացող գործողություներն ու դրամատիկ կյանքի պատմությունն է վեպի հիմքում՝ մեր օրերի հերոսամարտում:
Գրող Աշոտ Աղաբաբյանը ընթերցողին հայտնի է «Ռեզիդենտը» և «Մենակը» բեսթսելլեր համարվող վեպերով, որոնք վերահրատարակվել են յոթ անգամ, թարգմանվել ռուսերեն, պարսկերեն, անգլերեն:
Մեկնաբանել