«Քարֆուրը» երկրորդ խանութը բացեց Երևանում
Այսօր բացվել է երկրորդ «Քարֆուր» խանութը, որը գտնվում է Տիգրան Մեծի պող., 16 հասցեում՝ «Ռոսիա մոլ» առևտրի կենտրոնի հարևանությամբ: Քարֆուր Հայաստանը Majid Al Futtaim Group-ի մասնաճյուղն է, որը Քարֆուր ապրանքանիշը ներկայացնում է Մերձավոր Արևելքում, Աֆրիկայում և Ասիայում:
Նորաբաց խանութն առաջարկում է 14000 պարենային և ոչ պարենային ապրանքներ՝ ներառյալ Քարֆուր ապրանքանիշի ավելի քան 2800 տեսակի եզակի մթերք, այդ թվում օրգանական, բիո և գյուտեն չպարունակող տարատեսակներ, թարմ ձուկ՝ ներկրված Ֆրանսիայից ու Եվրոպական միության այլ երկրներից: Քարֆուրն առաջարկում է նաև տեղական արտադրանքի լայն տեսականի, «տնական» ուտեստներ, նաև ֆրանսիական թարմ հացաբուլկեղեն:
«Քարֆուր Հայաստանը» բացվել է 2015թ-ի մարտին: Ներկայումս Երևանում գործող «Քարֆուր Հայաստան»-ի երկու խանութներում աշխատում է 235 մարդ:
Մեկնաբանել