HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Հայկ Ղազարյան

Ստեփանակերտի քաղաքապետը հրաժարվում է կատարած ծախսերի մասին տեղեկատվություն տրամադրել

Օգոստոսի 3-ին և 6-ին «Հետք»-ը տեղեկատվություն ստանալու երկու հարցում է ուղարկել Ստեփանակերտի քաղաքապետ Սուրեն Գրիգորյանին։ 

Խնդրել ենք տրամադրել 2012-2017 թթ. Ստեփանակերտի քաղաքապետարանի մանկապարտեզներին սնունդ ու կահույք մատակարարող կազմակերպությունների ու նրանց հատկացված գումարների մասին տեղեկատվություն։ Երկրորդ հարցմամբ խնդրել ենք տրամադրել վերջին հինգ տարիներին Ստեփանակերտում ասֆալտապատված ճանապարհների երկարությունը, ասֆալտապատված փողոցների անունները, ասֆալտապատման աշխատանքներ իրականացրած կազմակերպությունների անունները, և յուրաքանչյուր փողոցի ասֆալտապատման համար հատկացված գումարները։  

Սահմանված կարգով և ժամկետներում չստանալով գրավոր պատասխան՝ դիմել ենք ԼՂՀ օմբուդսմեն Ռուբեն Մելիքյանին: Նրա միջամտությունից հետո ստացանք Ստեփանակերտի քաղաքապետարանի պատասխանը. «Ի պատասխան Ձեր 2018 թվականի օգոստոսի 06-ի գրությունների՝ տեղեկացնում ենք, որ Ստեփանակերտի քաղաքապետարանի գործունեության վերաբերյալ տարեկան հաշվետվությունը տեղադրված է Ստեփանակերտի քաղաքապետարանի պաշտոնական Stepanakert.am կայքէջում, որտեղից կարող եք փնտրել Ձեզ հետաքրքրող տեղեկատվությունը»:

Սակայն Stepanakert.am կայքէջում տեղադրված է միայն 2017 թվականի հաշվետվությունը, որտեղ խոսք անգամ չկա ասֆալտապատման վերաբերյալ, իսկ մանկապարտեզների մասին ընդամենը մեկ պարբերություն է գրված. «Հաշվետու տարում շարունակվել են հ. 9 հիմնական դպրոցի հիմնանորոգման աշխատանքները: Հրատապ են մնում հ.12 հիմնական դպրոցի հիմնարար 22 Ստեփանակերտի քաղաքապետարանի գործունեության հաշվետվություն 2017 վերանորոգման, հ. 4 և հ. 6 մանկապարտեզների համար երաժշտական դահլիճների, նախադպրոցական ցանցի ընդլայնման նպատակով տարբեր թաղամասերում նոր մանկապարտեզների կառուցման խնդիրները: 2018թ. առաջնահերթ կմնան հ.10 հիմնական դպրոցի հիմնարար վերանորոգման և կահավորման հարցերը»: 

Ինչո՞ւ է Ստեփանակերտի քաղաքապետը խնամքով թաքցնում մատակարարող եւ ասֆալտապատում իրականացրած կազմակերպությունների անունները եւ ծախսված գումարների չափը։ Ստեփանակերտցիներին երբեւէ նման հաշվետվություն չի ներկայացվել, եւ քաղաքապետի պատասխանից պարզ է դառնում, որ նման մտադրություն չունի, նույնիսկ Արցախի մարդու իրավունքների պաշտպանի միջնորդությունից հետո։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։