Գործնական սեմինար լրագրողների համար՝ տվյալների անվտանգության գործիքների վերաբերյալ
«Վտանգված անվտանգություն», զրույց և գործնական սեմինար լրագրողների համար տվյալների անվտանգության գործիքների վերաբերյալ Ռոբերտո Գոմես Լարեսի (Գերմանիա) և Ռուտա Վիմբայի (Գերմանիա) հետ:
Սեմինարի օրը՝ հոկտեմբերի 17-ին, ժամը՝ 10:00, տևողությունը՝ 4-5 ժամ:
Անցկացման վայրը՝ «Բեսթ Վեսթերն Կոնգրես հյուրանոց», Պիկասո սրահ:
Սեմինարի լեզուն՝ անգլերեն և զուգահեռ հայերեն թարգմանությամբ:
Գրանցվելու համար գրեք՝ [email protected]ին՝ վերնագրի տողում նշելով «Վտանգված անվտանգություն» սեմինարի անվանումը: Գրանցվել կարող եք մինչև հոկտեմբերի 15-ը:
N-vestigate ցանցի (Գերմանիա) դասավանդողների հետ միասին բացահայտեք առցանց հաղորդակցության սովորույթների վերաբերյալ առկա առասպելներն ու ճշմարտությունները կեսօրյա այս գործնական սեմինարի միջոցով, որի ընթացքում կհամադրվեն ներկայացումը (պրեզենտացիան), կլոր սեղան քննարկումը և հետաքննող լրագրության համատեքստում բաց աղբյուրներից գործիքների օգտագործման և տվյալների անվտանգության վերաբերյալ գործնական աշխատանքը։
Սեմինարը հնարավորություն է ընձեռում ծանոթանալու տվյալների պաշտպանության ռիսկերին, ուսումնասիրել առցանց հաղորդակցման և տվյալների պահպանման համար օգտագործվող գործիքների խոցելի կողմերը, մարտահրավեր է նետում սեփական հաղորդակցման սովորույթներին, հրավիրում է քննարկել Open Source գործիքների դրական և բացասական կողմերը և հենց տեղում փորձարկել դրանք , օրինակ՝ NextCloud-ը: Բացի այդ, կներկայացվի n-vestigate ցանցը, որը միավորում է Արևելյան Եվրոպայի հետաքննող լրագրողներին:
Սեմինարն անդրադառնալու է ՏՏ անվտանգության վերաբերյալ գիտելիքների և իրազեկվածության ոչ բավարար լինելու խնդրին ` ուսումնասիրելով ներկայումս օգտագործվող հաղորդակցության հիմնական հարթակների ռիսկերը, որոնք առկա են անգամ զգայուն թեմաների արծարծման դեպքում: Արդյոք պատճառն այն է, որ անդրսահմանային հետազոտությունների կարիքների և հետաքննող լրագրողների կողմից օգտագործվող հաղորդակցության գործիքների միջև բաց կա: Պատճառները բացահայտելու համար, մեր կարծիքով, անհրաժեշտ է ուսումնասիրել հաղորդակցման սովորությունները, ներկայացնել հնարավորությունները, պրակտիկ փորձի հնարավորություն տալ և քննարկում խթանել: Մենք գտնում ենք, որ միայն սերտ համագործակցությամբ, կարիքների վրա հիմնված և ներքևից վեր բխող մոտեցմամբ է, որ կարող ենք լուծումներ գտնել աշխատանքի պայմանների բարելավման և, հետևաբար, հետաքննող լրագրության զարգացման ուղղությամբ։
Արևելյան գործընկերության երկրներում ժողովրդավարության ամրապնդման գործում հետաքննական լրագրության դերն անչափ կարևոր է, քանի որ այն խթանում է թափանցիկությունն ու հսկողությունը: «Երբ քաղաքականությունը, բիզնեսը և հանցագործությունն անցնում են սահմաններից այն կողմ, լրագրությունը պետք է անի նույնը, որպեսզի համապատասխան կերպով լուսաբանում ապահովի», - գրում է Ժուռնալիստների եվրոպական ֆոնդի գլխավոր խմբագիր Բրիգիտ Ալֆտերը:
Ֆասիլիտատորներ`
Ռոբերտո Գոմես Լարես - System Administrator, պաշտում է Linux, անվճար ծրագրային ապահովումներ, քաղաքական ակտիվիստ: Ներկայումս ապրում է Բեռլինում, աշխատում է ՀԿ ոլորտում որպես ՏՏ ադմինիստրատոր, մասնագիտացած է լրագրողների/մեդիա կազմակերպությունների համար տվյալների անվտանգության շեշտադրումով Open Source գործիքների ոլորտում:
Ռուտա Վիմբա - ծրագրի ղեկավար և ֆասիլիտատոր: Ծնվել է Լատվիայում, ապրում է Բեռլինում: Աշխատում է ՀԿ և ոչ ֆորմալ կրթության ոլորտներում՝ լրագրության, հարևանության, համերաշխության տնտեսությունների, շրջակա միջավայրի և ստեղծագործական ակտիվության թեմաներով:
Նենսի Վալդման - ազատ լրագրող, գերմանական տպագիր և առցանց լրատվամիջոցների համար գրում է Միջին և Արևելյան Եվրոպայի թեմաներով: 2018թ. սեպտեմբերից ի վեր n-vestigate ծրագրի ղեկավարն է:
Ծրագիրը
Սեմինարն իրականացվում է «Հմտություններ, գիտելիք և իրազեկում. տեղեկատվական անվտանգությունը և հաղորդակցությունը Արևելյան գործընկերության երկրներում հետաքննական լրագրության համար» ծրագրի շրջանակներում` նպատակ ունենալով Արևելյան գործընկերության երկրների հետաքննող լրագրողների շրջանում բարելավել իրազեկվածությունը տվյալների անվտանգության և հաղորդակցման Open Source գործիքների վերաբերյալ: Ծրագիրը հնարավորություն է տալիս ցանցեր ստեղծել, սովորել նոր գործիքներ, քննարկումներ ծավալել լրագրողական թիմերի և հանրության շրջանում:
n-vestigate ցանցը
Այս սեմինարը կազմակերպվում է n-vestigate ցանցի կողմից, որը գործող մեդիա ՀԿ-ների գործընկերություն է՝ n-ost (Գերմանիա) RPDI (Ուկրաինա), Rise Moldova (Մոլդովա), hetq.am (Հայաստան), Liberali (Վրաստան) կազմակերպությունների համագործակցությամբ, ֆինանսավորվում է Գերմանիայի տնտեսական համագործակցության և զարգացման դաշնային նախարարության կողմից: 2015 թվականից ի վեր n-vestigate ցանցը ձգտում է տարածաշրջանում հետաքննական լրագրության որակի բարձրացմանը` աջակցելով անդրսահմանային հետազոտություններին, ցանցերի ստեղծմանը, վերապատրաստմանը և լրագրողների, լրատվամիջոցների, իրավաբանների, ակտիվիստների ու շահերի պաշտպանության փորձագետների միջև միջոլորտային համագործակցությանը:
n-vestigate- ի մասին լրացուցիչ տեղեկատվություն ստանալու համար այցելեք www.n-vestigate.net
Սեմինարի կազմակերպման մասով ծրագրի գործընկերներն են՝
n-ost e.V. (Գերմանիա)՝ n-ost.org
Liberali (Վրաստան)՝ liberali.ge
Hetq.am (Հայաստան)՝ hetq.am
Լուսանկարում՝ սեմինարավարները:
Մեկնաբանել