HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արցախի ՄԻՊ աշխատակազմն արձագանքել է «Հետք»-ի հրապարակմանը

Արցախի մարդու իրավունքների պաշտպանի աշխատակազմն արձագանքել է «Հետք»-ի «Ստեփանակերտի քաղաքապետը հրաժարվում է կատարած ծախսերի մասին տեղեկատվություն տրամադրելուց» հրապարակմանը։ Աշխատակազմը տեղեկացնում է, որ դիմելու է Ստեփանակերտի քաղաքապետարան լրագրողին անհրաժեշտ տեղեկությունը ստանալու նպատակով․

«Hetq.am լրատվամիջոցի թղթակից Հայկ Ղազարյանը օգոստոսի 20–ին դիմել է ԱՀ Մարդու իրավունքների պաշտպանին՝ խնդրելով ՄԻՊ միջամտությունը Ստեփանակերտի քաղաքապետարանից իր հարցման պատասխանը ստանալու հարցում:

Պաշտպանի միջամտության արդյունքում Ստեփանակերտի քաղաքապետարանը լրագրողին է ուղարկել պատասխանը, որից հետո Հ. Ղազարյանին առաջարկել ենք մեզ տեղյակ պահել լրացուցիչ հարցերի ու փաստարկների առկայության դեպքում:

Լրագրողից չստանալով լրացուցիչ գրություն՝ սույն հոդվածից Պաշտպանի աշխատակազմը տեղեկացավ, որ քաղաքապետարանի կայքում նա չի գտել իր հարցերի բովանդակային պատասխանները, ինչը մենք ընդունում ենք ի գիտություն: ՄԻՊ աշխատակազմը բողոքի առթիվ սկսված քննարկման շրջանակներում նոր գրություն է ուղարկելու Ստեփանակերտի քաղաքապետարան՝ ապահովելու համար քաղաքացու՝ ԱՀ Սահմանադրության 51-րդ հոդվածով սահմանված տեղեկություններ ստանալու իրավունքի իրացումը»:

լուսանկարում՝ Ստեփանակերտի քաղաքապետ Սուրեն Գրիգորյանը 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter