Տավուշի մարզի դատախազությունից ոստիկանության Տավուշի բաժնում ապրիլի 22-ին նյութեր են ստացվել, որ Բերդ քաղաքի բնակիչ, 30-ամյա Մհեր Գ.-ն այս տարվա մարտին ինտերնետային կայքերից մեկում 500 ԱՄՆ դոլարով արծիվ վաճառելու վերաբերյալ հայտարարություն է տվել:

Կատարված քննությամբ պարզվել է, որ Մհեր Գ.-ն մարտի սկզբին Բերդ քաղաքին հարակից «Ջաբուռի քար» հանդամասում որսացել է «Կարմիր գրքում» հաշվառված գառնանգղ թռչուն՝ պետությանը պատճառելով 250 հազար դրամի նյութական վնաս:

«Գառնանգղը հայտնաբերվել և հանձնվել է Երևանի կենդանաբանական այգու տնօրինությանը: Կատարվում է հետաքննություն»,- տեղեկացնում են ոստիկանության լրատվության վարչությունից: