![](/static/articles/94/16/l-j5tj1GXpuk.jpg)
«Հրապարակ». ՀՀՇ -ի Գեւորիկի նոր բիզնեսը
ՀՀՇ-ի հայտնի Գեւորիկը, «դավանափոխ» լինելով, ոչ միայն քաղաքական դրսեւորման նոր հնարավորություն է ստացել, այլեւ շատ կոնկրետ բիզնես է գտել իր համար: Նա կանգնում է ՀՀԿ գրասենյակի բակում եւ հրահանգում, թե ում մեքենան որտեղ պետք է կանգնեցվի:
Հատկապես ուշադիր է, որ Հովիկ Աբրահամյանի մեքենայի տեղում ոչ ոք մեքենա չկանգնեցնի: Բնականաբար, Գեւորիկն անվճար չի ծառայում իր նոր կուսակցությանը, ղեկավարությանը տեսնելով՝ մոտենում, գումար է ուզում ծառայության համար:
Երբ «Հրապարակի» թղթակիցը փորձել է լուսանկարել արդեն ՀՀԿ-ի Գեւորիկին «կուսակցական ակտիվ գործունեության պահին», վերջինս փախել է՝ գոռալով. «Ինձ չնկարես, սադրիչ»:
Փաստորեն, այնքան էլ հեռու չէ այն պահը, երբ Գեւորիկը, հարստանալով, սկսի զբաղվել ավելի լուրջ քաղաքականությամբ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել