Այսօր՝ ժամը 12:00-ին, մի քաղաքացուց ոստիկանության Գյումրիի բաժնում ահազանգ է ստացվել, որ Գյումրի քաղաքի Սավոյան փողոցում գտնվող նախկին պոլիտեխնիկական ինստիտուտի կիսաքանդ շենքի նկուղում կնոջ դիակ կա:

Մեկնած օպերատիվ խումբը նշված վայրում հայտնաբերել է անձը չպարզված կնոջ այրված դիակ:

Ձեռնարկված օպերատիվ-հետախուզական և քննչական միջոցառումների շնորհիվ դիակի ինքնությունը պարզվել է` Գյումրիի բնակիչ, 1990 թ. ծնված Մարի Զավենի Դավթյան:

«Հանգամանքները պարզվում են, կատարվում է քննություն»,- տեղեկացնում է ոստիկանության լրատվության վարչությունը: