Հայաստանում պատկերապատման զարգացման միությունը մայիսի 6-8-ին` ժամը 11:00-19:00-ին, Երևանի կամերային պետական թատրոնում կազմակերպում է Պատկերապատման միջազգային փառատոն:

Նախագիծը ներառում է ցուցահանդես Կամերային թատրոնում, վարպետության դասընթացներ, Խնկո Ապոր անվան ազգային մանկական գրադարանում մանկական ցուցահանդես, ինչպես նաև պատկերապատման կավճանկարչություն:

Փառատոնը Հայաստանում կազմակերպվում է արդեն 4-րդ անգամ և կրում է «Պատկերապատման հրավառություն» խորագիրը: Այն անցկացվում է ՀՀ մշակույթի նախարարության հովանու ներքո` Անգուլեմի պատկերապատման և պատկերի միջազգային կենտրոնի, Հայաստանում Ֆրանսիայի դեսպանության մասնակցությամբ: