40-ամյա Գայանե Փափազյանն իր 19 տարվա ամուսնական կյանքի ընթացքում 9 երեխա է ունեցել: Երեխաներից երկուսը մահացել են: Հիմա նա ապրում է ամուսնու եւ յոթ երեխաների հետ մի փոքրիկ հանրակացարանային սենյակում` առանց նվազագույն կոմունալ հարմարությունների: Գայանեի ամուսինը` Արթուր Փափազյանը, ղարաբաղյան ազատամարտի ժամանակ գլխի վնասվածք (կոնտուզիա) է ստացել եւ հիմա վատ առողջության պատճառով չի կարողանում ֆիզիկական աշխատանք կատարել: Միայն երբեմն տաքսի է վարում: