Հունվարի 20-ին ահազանգ է ստացվել, որ Արարատի մարզի Լանջանիստ գյուղի բնակելի հատվածներում նկատվել են քարաթափումներ:

Դեպքի վայր մեկնած փրկարարները պարզել են, որ Եկեղեցու փողոցի թիվ 4 տան մոտակայքում գտնվող սարալանջից ամիսներ առաջ տեղի է ունեցել քարաթափում, որի հետևանքով տնամերձ հողամաս են գլորվել 3-4 տարբեր տրամագծի քարաբեկորներ:

Ներկայում սարալանջին գտնվում է մոտ 2 մ տրա­մագծով 5-6 քարաբեկոր: Արտակարգ իրավիճակների նախարարության տեղեկացմամբ՝ առկա է քարաթափման վտանգ: