Թերթը տեղեկացնում է, որ Մասիսի տարածաշրջանի Դարակետ գյուղի մոտ արդեն մեկ ամսից ավելի է, նախապատրաստական աշխատանքներ են տարվում` մեծ շինարարություն սկսելու համար: Գյուղի բնակչությունը անհանգստացած է. նրանց ականջին հասել է, թե գյուղում ասֆալտի գործարան է կառուցվում, եւ համոզված են, որ դա կվնասի գյուղատնտեսությանը: Ոմանք էլ խոսում են, թե այդ տարածքում, որտեղ, ի դեպ, ավազի հանք է եղել, նախատեսվում է մեծ «ակվարիումներ» հիմնել եւ օձեր բուծել (օձի թույնն արժեքավոր դեղահումք է):

Բնակիչները խոսում են նաեւ, թե տարածքը գնել է ՀՀ նախագահի եղբայր Սաշիկ Սարգսյանը:

Երեկ, սակայն, Դարակերտի գյուղապետը թերթին փոխանցել է, որ այդ խոսակցություններն իրականությանը չեն համապատասխանում, որ տարածքը մի քանի ամիս առաջ գնել է Մհեր անունով «էրեւանցի մի տղա» եւ մտադիր է «բլոկի», այսինքն` քարի գործարան կառուցել: «Ես չգիտեմ, չեմ կարող ասել' այդ գնողը կապ ունի՞ Ձեր ասած մարդու հետ, թե՞ ոչ»,- թերթին ասել է գյուղապետը: