Տեսանյութեր
Լուսանկարներ
«Առավոտ». «Հայջրմուղկոյուղին» համատարած դատի է տվել ջրազուրկ բնակիչներին, անգամ մեռածներին
«Առավոտը» այսօր հոդված է տպագրել Աշոցքի տարածաշրջանի սահմանամերձ Սարագյուղի մասին, որը դատարկման վտանգի տակ է: Թերթի թղթակցին գյուղապետը հայտնել է, որ գյուղում ապրում է հազիվ հարյուր մարդ, որ արդեն երկու տարի է` գյուղում ոչ մի երեխա չի ծնվել:
Թերթը գրում է, որ հեռավոր գյուղում ապրելու պայմաններն ահավոր են. խմելու ջուրը վարակված է եւ առանց քլորացման: Գյուղապետը թերթին ասել է, որ ջրի հետ ճիճուներ են թափվում, նույնիսկ թունավորման դեպքեր են արձանագրվել, ու այսքանից հետո «Հայջրմուղկոյուղի» ընկերությունը վերջին մեկ տարվա ընթացքում բոլորին դատի է տվել ու մեծ գումարներ պոկել:
Գյուղապետին ապշեցրել է, որ ընկերությունը դատել է անգամ գյուղի հանգուցյալներին: «Ստիպված դատարանին մահվան թուղթ ենք ներկայացնում, որ էդ մարդիկ վաղուց գերեզմանոցում են, 1997 թվից չկան: Չգիտեմ` սա անգրագիտությո՞ն է, թե՞ փող փախցնելու ձեւ: Դատարանն էլ, առանց երկրորդ կողմի շահերը հաշվի առնելու, վճիռներ է կայացրել: Իսկ մենք գյուղովի նամակ ենք գրել «Հայջրմուղկոյուղու» ղեկավարությանը ու ասել, թե հրաժարվում ենք ձեր սպասարկումից, բայց էլի պրծում չկա, ոչ մի արձագանք»,- «Առավոտի» թղթակցին ասել է գյուղապետը:
Մեկնաբանություններ (2)
Մեկնաբանել