Գառնի գյուղի բնակիչները հերթական անգամ իրենց բողոքի ձայնը բարձրացրեցին «Քաղցրաշենի ինքնահոս ոռոգման համակարգ» ծրագրի դեմ: Նրանք ամբողջ օրը փակ պահեցին Գառնի-Երևան ճանապարհը և պատրաստվուևմ են անժամկետ շարունակել իրենց ցույցը, մինչև ծրագրի չեղյալ հայտարարվելը: Մեկուկես ամիս առաջ, երբ գառնեցիները տևական ժամանակով փակել էին մայրուղին, շինտեխնիկան Գառնու ձորից դուրս էր բերվել. արդեն մի քանի օր է` տեխնիկան կրկին ձորում է և շարունակում է ճանապարհ բացել խողովակների համար, որոնցով, ըստ ծրագրի, պետք է անցնի Ազատ գետը: