Հայաստանյան բարձրաստիճան պաշտոնյաների դեպի գյուղեր ուխտագնացությունը, որ սկիզբ առավ Սերժ Սարգսյանի նախաձեռնած խորհրդակցությունից հետո, պարզվում է, ոմանց համար, բացի պետական նշանակության առաջադրանք լինելուց, նաև որոշակի բիզնես հետաքրքրություններ պարունակում: Առաջին հերթին դա վերաբերում է «Արտֆուդ» ընկերությունում գործընկերներ Հովիկ Աբրահամյանին և «Օրինաց երկիր» կուսակցության քվոտայով գյուղնախարար դարձած Սերգո Կարապետյանին:

Վերջիններս օրերս «տարօրինակ զուգադիպությամբ» առանձնակի հետաքրքրություն ցուցաբերեցին կաթի մթերման բիզնեսին: Մինչդեռ, ըստ լավատեղյակ աղբյուրների, ԱԺ նախագահի և գյուղնախարարի այս հետաքրքրությունն այնքան էլ պատահական չէ, քանի որ, պարզվում է, նրանք որոշել են զբաղվել նաև կաթնամթերքի բիզնեսով և, որպես առաջին քայլ, գյուղացիներին զանազան հրապուրիչ խոստումներ են տվել: